قازاقستان • 15 قاڭتار، 2019

ۇلتتىق ۇلاندا ۇزدىك اسكەري قىزمەتشىلەر انىقتالدى

233 رەتكورسەتىلدى

ۇلتتىق ۇلاننىڭ «ۇزدىك باتالون كومانديرى»، «تجاقج بويىنشا باتالون كومانديرىنىڭ ۇزدىك ورىنباسارى»، «باتالوننىڭ ۇزدىك شتاب باستىعى» جەڭىمپازدارىن انىقتاۋ بويىنشا وتكىزىلگەن بايقاۋ-سايىستا ۇزدىك اسكەري قىزمەتشىلەر انىقتالدى.

 

ۇزدىك  اتانۋعا اسكەردەن كەلگەن 18 وفيتسەر سايىستى.ولار اسكەري ءبولىم مەن وڭىرلىك قولباسشىلىقتاردا وتكەن سايىستىڭ ەكى كەزەڭىندە دە  ۇزدىك اتانعاندار. 

شارانىڭ باستى ماقساتى – اسكەري ۇجىمدى باسقارۋ بويىنشا وفيتسەرلەردىڭ تاجىريبەلىك جانە ۇيىمداستىرۋشىلىق جۇمىسىنا وبەكتيۆتى جانە جان-جاقتى باعا بەرۋ، جەكە قۇراممەن قىزمەتتىك-جاۋىنگەرلىك تاپسىرمالاردى ورىنداۋ، قول استىنداعىلاردى وقىتۋ مەن تاربيەلەۋ، سونداي-اق، اسكەري قىزمەتشىلەردى كاسىبي شەبەرلىگىن ارتتىرۋعا ىنتالاندىرۋ مەن تاجىريبە الماسۋ بولىپ تابىلادى.

وسى سەبەپتى ۇلتتىق ۇلاننىڭ اسكەري بولىمدەرىندە جىل سايىن بايقاۋ-سايىستى ۇيىمداستىرۋ داستۇرگە اينالدى.

قاتىسۋشىلاردىڭ ءبىلىمى جەكە دايىندىعى نەگىزىندە كەلەسى پاندەر بويىنشا تەكسەرىلدى. ولار: دەنە شىنىقتىرۋ، اتىس جانە ساپتىق دايىندىق. كاسىبي دايىندىق دەڭگەيى  مەملەكەتتىك-قۇقىتىق دايىندىق، جالپى اسكەري جارعى تالاپتارى جانە قىزمەتتىك-جاۋىنگەرلىك قولدانۋ تاكتيكاسى  پاندەرى بويىنشا سىنالدى. 

ۇلتتىق ۇلاندا باتالوندىق بولىنىسىندەگى وفيتسەرلەردىڭ  كاسىبي شەبەرلىگىنىڭ دەڭگەيىن تەكسەرۋ بويىنشا وتكەن بايقاۋ-سايىستىڭ 3 اقتىق كەزەڭىنىڭ جەڭىمپازدارى بولىپ كەلەسى اسكەري قىزمەتشىلەر اتاندى:

«ۇزدىك باتالون كومانديرى» نوميناتسياسى بويىنشا 5573 اسكەري ءبولىمىنىڭ (استانا ق.) وكىلى كاپيتان دانيار دوسانوۆ، «تاربيە جانە الەۋمەتتىك-قۇقىتىق جۇمىستار بويىنشا باتالون كومانديرىنىڭ ۇزدىك ورىنباسارى» نوميناتسياسى بويىنشا 6637 اسكەري ءبولىمىنىڭ وكىلى  (پەتروپاۆلوۆسك ق.) كاپيتان دۋلات ءابىلماجىنوۆ، «باتالوننىڭ ۇزدىك شتاب باستىعى»  نوميناتسياسى بويىنشا 6655  اسكەري بولىمىنەن كەلگەن (اقتوبە ق.) اعا  لەيتەنانت نۇرجان ءبىرىمجانوۆ جەڭىمپاز اتاندى.

سايىس جەڭىمپازدارى ديپلومدار مەن اقشالاي سىياقىمەن ماراپاتتالدى.  سايىستىڭ قورىتىندىسىن جەتكىزۋ كەزىندە ۇلتتىق ۇلاننىڭ باس قولباسشىسى گەنەرال-لەيتەنانت رۋسلان جاقسىلىقوۆ 2019 جىل ۇلتتىق ۇلاندا باتالون ءبولىنىسى وفيتسەرلەرىنىڭ كاسىبي دايىندىعى جىلى بولىپ جاريالانعانىن ايتىپ ءوتتى.

اتاپ ءوتۋ كەرەك، قىزمەتتىك-جاۋىنگەرلىك تاپسىرمالاردى ساپالى ورىنداۋ ءۇشىن  2018 جىلى اسكەردە «جاۋىنگەرلىك جانۇياداي ۇيىسقان، ۇلتتىق ۇلان  - ەلى مەن حالقىنا قورعان!»  ۇرانىمەن جاۋىنگەرلىك سايىس ۇيىمداستىرىلعان بولاتىن. اتالعان سايىستىڭ قورىتىندىسى بويىنشا ءبىرىنشى ورىندى «شىعىس» وڭىرلىك قولباسشىلىعى الدى.ەكىنشى ورىندى «باتىس» وڭىرلىك قولباسشىلىعى،ءۇشىنشى ورىندى «وڭتۇستىك» وڭىرلىك قولباسشىلىعى مىسە تۇتتى.

قر ۇلتتىق ۇلانىنىڭ ءباسپاسوز قىزمەتى

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار