ونىڭ ايتۋىنشا, سوڭعى 4 جىلداعى تۇتىنۋشىلىق نارىقتا سايكەس كەلمەيتىن ونىمدەردىڭ جالپى سانىنىڭ تومەندەۋ تەندەنتسياسى بايقالادى. مىسالى, 2015-2018 جىلدار كەزەڭىندەگى تومەندەۋ پروتسەنتى 30%-دان 14,1%-عا دەيىنگىنى قۇرايدى.
ء«ونىم قاۋىپسىزدىگىنىڭ اي سايىنعى مونيتورينگى شەڭبەرىندە 2018 جىلى ءونىمنىڭ 70 مىڭعا جۋىق سىناماسى ساتىپ الۋمەن قامتىلدى, ولاردىڭ جالپى سانىنىڭ ىشىندە زەرتحانالىق ساراپتاما قورىتىندىلارى بويىنشا 9,7 مىڭ (14,1%) تەحنيكالىق رەگلامەنتتەردىڭ تالاپتارىنا سايكەس كەلمەيدى, ونىڭ ىشىندە وندىرۋشىلەردىڭ تاڭبالاۋ قاعيدالارىن ساقتاماۋى – 69%-دا, قاۋىپسىزدىك تالاپتارىنا سايكەس كەلمەيتىندەرى – 23,5%, سونداي-اق فيزيكالىق-حيميالىق كورسەتكىشتەر بويىنشا سايكەس ەمەستىك – 7,2%» دەدى دەنساۋلىق ساقتاۋ ءمينيسترى.
سونىمەن قاتار مينيستر قوعامدىق دەنساۋلىق ساقتاۋ كوميتەتى قاۋىپتى ونىمدەردى عانا ەمەس, سونىمەن قاتار ساپاسىز ونىمدەردى انىقتاۋ بويىنشا شارالاردى قابىلدايتىنى تۋرالى ايتتى. وسىمدىك مايىنىڭ قۇرامىن انىقتاۋ ءۇشىن جاسالعان ونىمدەر سىناماسىندا 99 وسىمدىك مايى, شۇجىق قۇرامىنا جاسالعان شوشقا دنق بويىنشا 143 ءونىمنىڭ جالعان ەكەنى انىقتالدى. جالپى العاندا, ونىمدەردىڭ قاۋىپسىزدىگى مونيتورينگىنىڭ قورىتىندىسى بويىنشا سايكەس كەلمەيتىن ءونىمنىڭ نەگىزگى بولىگى, ياعني 66%-ى يمپورتتىق ءونىم, ال 34%-ى وتاندىق وندىرۋشىلەردىڭ ءونىمى ەكەن.
مينيسترلىكتىڭ قوعامدىق دەنساۋلىق ساقتاۋ كوميتەتى قر اشم-گە رەسەي فەدەراتسياسى مەن بەلارۋس رەسپۋبليكاسى ونىمدەرىنىڭ 18 وندىرۋشىسىنە قاتىستى ماتەريالدار جىبەرگەنى ءمالىم بولدى. ولار بويىنشا ۆەتەريناريالىق-سانيتاريالىق شارالار, ونىڭ ىشىندە كۇشەيتىلگەن زەرتحانالىق باقىلاۋ قابىلدانعان.
ودان بولەك مينيستر ەاەو-عا مۇشە مەملەكەتتەردىڭ ۋاكىلەتتى ورگاندارىنا انىقتالعان سايكەس كەلمەيتىن ونىمدەرگە قاتىستى ءتيىستى شارالار قابىلداۋى ءۇشىن 30-عا جۋىق حابارلاما جىبەرىلگەنى تۋرالى ايتىپ ءوتتى.
ونىڭ ايتۋىنشا, ونىمدەردىڭ قاۋىپسىزدىگىنە مونيتورينگتى تالداۋ ناتيجەسى قاۋىپسىزدىك پەن ساپا كورسەتكىشتەرىنە سايكەس كەلمەيتىن ءونىمنىڭ باسىم بولىگى ورەسكەل بۇزۋشىلىقتارىمەن بەرىلگەن سايكەستىك سەرتيفيكاتتارىمەن ەلىمىزگە اكەلىنەتىنىن كورسەتكەن. وسىلايشا, مينيسترلىك ءبىر جىلدىڭ ىشىندە 6,3 مىڭعا جۋىق «جالعان سەرتيفيكاتتى» انىقتاعان, ونىڭ ىشىندە 3,5 مىڭىن رەسەي فەدەراتسياسىنىڭ, 2,7 مىڭىن قازاقستان رەسپۋبليكاسىنىڭ سايكەستىكتى راستاۋ جونىندەگى ورگاندارى بەرگەن.
سونىمەن قاتار كامەرالدىق باقىلاۋ قورىتىندىسى بويىنشا سوت شەشىمىنە بايلانىستى سىرتقى ەكونوميكالىق قىزمەتكە 47 قاتىسۋشىنىڭ قىزمەتى توقتاتىلىپ, مينيسترلىك 2018 جىلدىڭ تامىز ايىنان باستاپ كۇشىنە ەنگەن بالالار ويىنشىقتارىن شارتتى شىعارۋ رەجيمىندە اكەلۋگە تىيىم سالۋ تۋرالى قر ۇكىمەتىنىڭ قاۋلىسىنا باستاما جاساعان.
