الدىن الا ەسكەرتىلگەن ەرەۋىلدەر فرانكفۋرت-نا-ماينە, برەمەن, درەزدەن, ەرفۋرت, گامبۋرگ, گاننوۆەر, لەيپتسيگ جانە ميۋنحەن اۋەجايلارىندا بولادى دەپ جوسپارلانعانىن كاسىپوداقشىلار حابارلادى. فرانكفۋرتتاعى اۋەجاي وپەراتورىنىڭ اقپاراتىنا قاراعاندا, 1200-گە جۋىق جوسپارلانعان رەيستىڭ كەم دەگەندە 470 رەيسى ورىندالمايدى.
ولاردىڭ ىشىندە قازاقستاننان كەلەتىن رەيستەر دە بار. نۇرسۇلتان نازارباەۆ اۋەجايىنىڭ ەلەكتروندى تابلوسىنداعى مالىمەتتەرگە قاراساق, فرانكفۋرت-نا-ماينەدەن شىعاتىن «ەير استانا» كومپانياسىنىڭ كس 922 رەيسى ورىندالمادى. ول 05.40-تا قونۋ كەرەك بولاتىن.
الماتى حالىقارالىق اۋەجايىنان تاڭعى ساعات 04.40-تا Lufthansa اۋەكومپانياسىنىڭ LH647 بورتى فرانكفۋرتقا ۇشپادى. ساعات 10.20-دا كەلۋى ءتيىس فرانكفۋرت-استانا-الماتى رەيسىنىڭ كەشىگىپ جاتقانى تۋرالى حابارلاندى. ال بۇدان كەشىرەك رەيستەرگە ونلاين تىركەۋ اشىلدى.
گەرمانيا اۋەجايلارىنداعى قىزمەتكەرلەردىڭ ەرەۋىلدەرى 23 قاڭتارعا جوسپارلانعان اۋەجايدىڭ قاۋىپسىز قىزمەتى جۇمىسشىلارىنىڭ جالاقىسىن كوتەرۋگە بايلانىستى جاڭا كەلىسسوزدەر الدىندا ەسكەرتۋ رەتىندە ۇيىمداستىرىلدى.
