رەسەي فەدەراتسياسى چەليابى وبلىسىنىڭ قازاقستانعا جاقىن وڭتۇستىك ايماعى ۇلكەن قاراعاندى جانە وتەگەن وزەندەرىنىڭ قۇيىلىسىندا ورنالاسقان ورتا قولا ءداۋىردىڭ بىرەگەي ارحەولوگيالىق ەسكەرتكىشى – ارقايىم الەمگە تانىمال اسا ءىرى مادەني مۇرا نىساندار قاتارىنا جاتادى.
كورمەنى ۇيىمداستىرۋشى تاراپ وكىلى ەۋروپالىق جاراتىلىستانۋ عىلىمدارى اكادەمياسىنىڭ اكادەميگى يۋري زۋيكوۆتىڭ پايىمىنشا, ەلوردالىقتار نازارىنا ۇسىنىلىپ وتىرعان بۇل شارا اۋەلى «قالالار ەلىن» العاش رەت اشقان اتاقتى ارحەولوگ گ.ب.زدانوۆتىڭ 80 جىلدىق مەرەيتويىمەن ورايلاسىپ وتىر ەكەن.
بۇعان دەيىن رەسەيدىڭ 12 قالاسىن ارالاپ, بىزگە جەتكەن جادىگەرلەر قاتارىندا: «باقتا», «چەكاتاي», «كۇيساك», «جۋرۋمباي», «سىنتاستى», «اندرەەۆ», «پاريج», «قىزىل», «تاستى قامبا», «سارىم-ساقلى», «قامسىتى», «بەرسۋات» قاتارلى 21 قونىستىڭ گەوگرافيالىق ورنالاسۋ كارتاسى مەن قونىس سۋرەتتەرى جانە «ارقايىم» ەسكەرتكىشىنىڭ پيراميدا كەسكىنى مەن مۋزەيگە اينالعان ارحەولوگيالىق قازىندىسىنىڭ دا فوتولارى بار ەكەن.
سونىمەن قاتار ءبىزدىڭ زامانىمىزدىڭ ءىى-ءىىى عاسىرعا ءتان سارمات ايەلىنىڭ بەيىتى, ارحەولوگيالىق قازبا جۇمىستارىنىڭ ءتۇرلى كەزەڭدەگى اەروتۇسىرىلىمدەرى, جوعارىداعى قالاشىقتاردىڭ دالالىق كەسكىن-بەينەلەرى قاتارلى جادىگەرلەر كورەرمەن كوزايىمىنا ۇسىنىلسا, فوتوسۋرەتتەر ەكسپوزيتسياسىنا ارنالعان ستەندتەردەگى كوركەم تابيعات پەيزاجدارى دا كوڭىل سەرگىتەرلىك كوركەم مانگە يە ەكەنىن اڭعاردىق.
بەكەن قايرات ۇلى,
«ەگەمەن قازاقستان»
