1915 جىلى اقمولا وبلىسىندا تۋعان قازاق جازۋشىسى قازاق تاۋ-كەن ينستيتۋتىن بىتىرگەن, ۇلى وتان سوعىسىنا قاتىسقان.
ول قازاق مەملەكەتتىك كوركەم ادەبيەت باسپاسىنىڭ رەداكتورى, «قازاقفيلم» كينوستۋدياسىندا ستسەناري رەدكوللەگياسىنىڭ مۇشەسى, 1967-71 جىلدارى «جازۋشى» باسپاسىنىڭ ديرەكتورى, 1971 حىلدان قازاقستان جازۋشىلار وداعىنىڭ ەكىنشى سەكرەتارى قىزمەتتەرىن اتقارعان. سوعىستان كەيىنگى جىلداردا فيلارمونيانى, «جازۋشى» باسپاسىن باسقارادى.
Ӏلياس ەسەنبەرليننىڭ العاشقى شىعارمالارى 1940 جىلى باسىلدى. ول كوركەم ادەبيەتتىڭ كوپ جانرىندا (پوەزيا, پروزا, دراماتۋرگيا, كينودراماتۋرگيا) جازدى. ادەبي تۆورچەستۆوسىن پوەزيادان باستادى. 1945 جىلى «ايشا», «سۇلتان» پوەمالارىن جازىپ, 1960 جىلدارى پروزا جانرىنا قالام تارتا باستادى.
«وزەن جاعاسىندا», «تولقيدى ەسىل», ورىس تىلىندە جازىلعان «ادام تۋرالى ءان» اتتى پوۆەستەرى جارىق كوردى. «ايقاس», «قاتەرلى وتكەل», «عاشىقتار», «قاھار», «التىن قۇس», تىڭ تۋرالى «كولەڭكەڭمەن قورعاي ءجۇر» روماندارى, «كوشپەندىلەر» تريلوگياسى, «ماحاببات مەيرامى», «الىستاعى ارالدار», «اققۋ قۇستىڭ قۋانىشى» روماندارى, شىعارمالارىنىڭ ون تومدىق جيناعى جاريالاندى.
جازۋشىنىڭ شىعارماشىلىعىنا نۇرسۇلتان نازارباەۆ وڭ باعاسىن بەرىپ, ء «ىلياس ەسەنبەرلين – قازاق ادەبيەتىنىڭ عانا ەمەس, قازاق حالقى تاريحىنىڭ تورىنەن الاتىن دارا تۇلعا. ولاي دەۋىمىزدىڭ بىرنەشە سەبەپتەرى بار. قازاق حاندىعىنىڭ بوستاندىق پەن تاۋەلسىزدىك جولىنداعى كۇرەسى تاقىرىبىنا قالام تارتتى. قالام تارتىپ قانا قويعان جوق, ءوزىنىڭ ەپيكالىق قۇلاشى, حالىق ءومىرىنىڭ سان الۋان قىرىن كەڭ قامتۋى, قازاق تاريحىنىڭ كەمەڭگەر كوسەمدەرىنىڭ قايتالاڭباس بەينەسىن سومداۋى جاعىنان وزگە تۋىندىلاردان وق بويى الدا تۇرعان تالانتتى شىعارماسى - «كوشپەندىلەر» تاريحي تريلوگياسىن دۇنيەگە اكەلدى» - دەدى.
