بۇگىندە «دامۋ» كاسىپكەرلىكتى دامىتۋ قورى نەگىزىنەن «جول كارتاسى – 2020» مەملەكەتتىك باعدارلاماسى بويىنشا جۇمىس ىستەيدى. اتالمىش باعدارلاما اياسىندا قور تاراپىنان اعىمداعى جىلى جالپى قۇنى 7,2 ميلليارد تەڭگەنى قۇرايتىن 40-تان استام جوباعا قولداۋ كورسەتىلگەن. بۇدان بولەك, «دامۋ» قورى «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسى بويىنشا دا جۇمىس ىستەيدى. بۇل باعدارلاما اياسىندا قور كوكشەتاۋ, ستەپنوگورسك قالالارىنداعى كاسىپكەرلەرگە قارجىلاي قولداۋ كورسەتەدى. اعىمداعى جىلى اتالمىش باعدارلامانى جۇزەگە اسىرۋعا 620 ميلليون تەڭگە قارجى بولىنسە, بۇگىندە ونىڭ 76 پايىزى يگەرىلىپ وتىر. «بۇگىندە بۇل باعىتتاعى جۇمىستار جالعاسۋدا», – دەدى قور ديرەكتورى رۋسلان احمەتوۆ. جىل قورىتىندىسى بويىنشا «دامۋ» قورى باسقا دا باعدارلامالار بويىنشا ءتۇرلى جوبالاردى ويداعىداي جۇزەگە اسىرعان.
–2018 جىلى دا «دامۋ» قورى تۇرعىن ءۇي قۇرىلىسىن قولداۋعا ارنالعان «نۇرلى جەر» باعدارلاماسى بويىنشا جۇمىستى جالعاستىرىپ كەلدى. كوكشەتاۋ قالاسىندا 6 جوباعا, ياعني, 6 تۇرعىن ۇيگە جانە تسەلينوگراد اۋدانىنداعى اقمول اۋىلىنداعى 1 تۇرعىن ۇيگە قاتىستى جوباعا قولداۋ كورسەتىلىپ جاتىر. بۇگىندە اتالعان تۇرعىن ۇيلەردەگى باسپانا سانى 700 پاتەردى قۇراپ وتىر,–دەدى «دامۋ» كاسىپكەرلىكتى دامىتۋ قورى ايماقتىق فيليالىنىڭ ديرەكتورى رۋسلان احمەتوۆ.
بايقال ءبايادىل,
«ەگەمەن قازاقستان»
اقمولا وبلىسى
