شەتەل ازاماتتارى بۇل جەردە ءبىر ساعات كولەمىندە جسن الىپ, تۇرۋ ىقتيارحاتىن, سونداي-اق, وڭىردە تۇرۋ ءۇشىن قاجەتتى باسقا دا قۇجاتتاردى راسىمدەي الادى. جاڭا مەكەمەدە دارىگەر بولمەسى دە بار, ول جەردە مەديتسينالىق تەكسەرىستەن وتۋگە بولادى, داكتيلوسكوپيا, ساقتاندىرۋ كابينەتتەرى مەن ارنايى وقىتىلعان كەڭەسشىلەر بار. مامانداندىرىلعان حقكو قىزمەتتىڭ 11 ءتۇرى كورسەتىلەدى.
– ەگەر بۇرىن شەتەل ازاماتى بارلىق قۇجاتتاردى راسىمدەۋ ءۇشىن بەس كۇندەي ۋاقىتىن جۇمساسا, ەندى ونىڭ بارلىعىنا تەك 60 مينۋتىن كەتىرەتىن بولادى. وعان قوسا قاراعاندىعا العاش رەت كەلگەندەر ءۇشىن ءتۇرلى مەكەمەلەرگە بارۋ قيىن بولاتىن, سەبەبى ولار قالانى بىلمەيدى. ال مۇندا ءبىز ءبىر تەرەزە ءپريتسيپى بويىنشا قىزمەت كورسەتەمىز, – دەيدى قاراعاندى وبلىسىنىڭ كوشى-قون قىزمەتى باسقارماسىنىڭ باسشىسى اسحات مۇقانوۆ.
قايرات ءابىلدا,
«ەگەمەن قازاقستان»
قاراعاندى
