وبلىستىڭ سۋديالىق كورپۋسىنا جاڭا توراعانى جوعارعى سوتتىڭ توراعاسى جاقىپ اسانوۆ تانىستىردى.
نۇرسەرىك كارىم ۇلى ءشارىپوۆ 1965 جىلى دۇنيەگە كەلگەن. 1990 جىلى كيروۆ اتىنداعى قازاق مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا ءتامامدادى. 2006 جىلى دۋلاتي اتىنداعى تاراز مەملەكەتتىك ۋنيۆەرسيتەتىندە «ەكونوميكا» ماماندىعى بويىنشا ەكىنشى جوعارى ءبىلىم العان.
ەڭبەك جولىن 1988 جىلى باستاعان. سول ۋاقىتتان بەرى 1990 جىلعا دەيىنگى ارالىقتا كيروۆ اتىنداعى قازاق مەملەكەتتىك ۋنيۆەرسيتەتى زاڭ فاكۋلتەتىنىڭ كومسومول كوميتەتىنىڭ حاتشىسى قىزمەتىن اتقاردى. 1990 جىلدان 1992 جىلعا دەيىن قازاق مەملەكەتتىك ۋنيۆەرسيتەتىندە اكىمشىلىك قۇقىق كافەدراسىنىڭ اسسيستەنتى بولعان.
1992 جىلدان باستاپ قازاقستان رەسپۋبليكاسى پرەزيدەنتى اپپاراتىنىڭ ازاماتتىق راقىمشىلىق بويىنشا ءبولىمىنىڭ اعا رەفەرەنتى بولدى. 1995 جىلى الماتى قالاسىنىڭ فرۋنزە اۋدانىنىڭ, ال 1996 جىلى مەدەۋ اۋدانىنىڭ حالىقتىق سوت سۋدياسى قىزمەتىنە تاعايىندالعان.
2007 جىلى الماتى قالالىق مامانداندىرىلعان اۋدانارالىق اكىمشىلىك سوتتىڭ توراعاسى بولىپ تاعايىندالدى. 2008-2010 جىلدار ارالىعىندا ماڭعىستاۋ وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ توراعاسى بولدى. 2010 جىلى وسى سوتتا اپپەلياتسيالىق سوت القاسىنىڭ توراعاسى قىزمەتىن اتقاردى. 2012 جىلى وڭتۇستىك قازاقستان وبلىستىق سوتىنىڭ توراعاسى بولعان. 2017 جىلدان باستاپ قازاقستان رەسپۋبليكاسى جوعارعى سوتى جانىنداعى سوت قىزمەتتەرىن قامتاماسىز ەتۋ دەپارتامەنتىنىڭ جەتەكشىسى قىزمەتىن اتقاردى.
«ەرەن ەڭبەگى ءۇشىن» مەدالىمەن ماراپاتتالعان.
قايرات ءابىلدا,
«ەگەمەن قازاقستان»
قاراعاندى
