ەنەرگەتيكا مينيسترلىگىنىڭ دەرەكتەرىنە سايكەس, 2018 جىلدىڭ ءى جارتى جىلدىعىنىڭ قورىتىندىسى بويىنشا مۇناي وڭدەۋ سالاسىنداعى ەڭبەك ونىمدىلىگى $89,6 مىڭ/ادامدى, 2017 جىلدىڭ سايكەس كەزەڭىمەن سالىستىرعاندا ناقتى ءوسىم 114,2% قۇرادى. ەڭبەك ونىمدىلىگى وتاندىق مۇناي وڭدەۋ زاۋىتتارىنىڭ (اتىراۋ ءموز, پاۆلودار محز, شىمكەنت ءموز جانە «كاسپي بيتۋم» جشس) نەگىزگى مۇناي ونىمدەرىن ءوندىرۋى ەسەبىنەن ۇلعايتىلدى.
«2018 جىلدىڭ 6 ايىندا 1713,6 مىڭ ت اۆتوبەنزين, 119,1 مىڭ ت اۆياكەروسين, 2093 مىڭ ت ديزەل وتىنى جانە 375 مىڭ ت بيتۋم ءوندىرىلدى. 2018 جىلى 3,9 ملن ت اۆتوبەنزين (2017 جىلعا 130,9%), 389 مىڭ توننا اۆياكەروسين (2017 جىلعا 128,4%), 4,4 ملن توننا ديزەل وتىنى (2017 جىلعا 110,2%), 2,59 ملن ت مازۋت (2017 جىلعا 78,96%) جانە 823 مىڭ ت بيتۋم (2017 جىلعا 112,6%) ءوندىرىسى كۇتىلۋدە», — دەدى ب. اقشولاقوۆ.
2018 جىلدىڭ ءى جارتى جىلدىعىنىڭ قورىتىندىسى بويىنشا مۇناي-گاز حيمياسى سالاسىنداعى ەڭبەك ونىمدىلىگى $8,2 مىڭ/ادامدى, 2017 جىلدىڭ سايكەس كەزەڭىنە ناقتى ءوسىم — 109,7% قۇرادى. ەنەرگەتيكا ۆيتسە-ءمينيسترىنىڭ ايتۋىنشا, نەگىزىنەن ەڭبەك ونىمدىلىگىنىڭ ارتۋى پوليپروپيلەن جانە مەتيل-ترەت-بۋتيل ەفيرىنىڭ ءوندىرىسىن ۇلعايتۋ ەسەبىنەن قامتاماسىز ەتىلگەن.
جالپى مۇناي-گاز حيمياسى سالاسىندا 2018 جىلدىڭ 6 ايىندا 7,6 مىڭ ت بەنزول, 16,6 مىڭ ت پوليپروپيلەن, 12,4 مىڭ توننا مەتيل-ترەتبۋتيلدى ەفير ءوندىرىلدى.
وسى جىلدىڭ قاراشا ايىندا پاراكسيلول ءوندىرىسى باستالدى جانە 6,1 مىڭ ت كولەمىندە ءوندىرۋ كۇتىلۋدە. بەنزول ءوندىرىسى — 11,3 مىڭ ت, پوليپروپيلەن — 27,3 مىڭ ت, 18,3 مىڭ ت — مەتيل-ترەتبۋتيلدى ەفير ءوندىرىسى كۇتىلۋدە.
«جالپى ەڭبەك ونىمدىلىگى تۇراقتى ۇلعايۋدا. وسى باعىتتاعى جۇمىستى ودان ءارى جالعاستىرامىز», — دەپ تۇيىندەدى ۆيتسە-مينيستر.
