ءىس ساپار بارىسىندا اۋداندا بيىكتىگى 20 مەتر بولاتىن قازاقستان رەسپۋبليكاسىنىڭ مەملەكەتتىك تۋى ورناتىلعان مەملەكەتتىك رامىزدەر اللەياسى اشىلدى.
قازالى اۋدانىنىڭ ورتالىعى ايتەكە بي كەنتىندە ايتەكە بي ەسكەرتكىشى اشىلدى. ەسكەرتكىشتىڭ اشىلۋىنا ارنايى وزبەكستان رەسپۋبليكاسىنىڭ ناۋاي وبلىسىنداعى ايتەكە بي كەسەنەسىنەن توپىراق اكەلىندى.
- رەسپۋبليكا كولەمىندە ايتەكە ءبيدى ەستە قالدىرۋ باعىتىندا ءبىراز جۇمىستار اتقارىلدى. ونىڭ اتىندا اۋدان, كوشەلەر, اۋىل بار. وسى اۋداننىڭ ورتالىعى دا – ايتەكە ءبيدىڭ ەسىمىمەن اتالادى. وتكەن جىلى بابامىزدىڭ ەڭسەلى ەسكەرتكىشىن ورناتۋ تۋرالى شەشىم قابىلداعان ەدىك. بۇگىن مىنە, ايتەكە ءبيدىڭ ەسكەرتكىشى دە ءوز تۇعىرىنا قوندى. ەلباسى ءوزىنىڭ «رۋحاني جاڭعىرۋ» باعدارلامالىق ماقالاسىندا «پاتريوتيزم ەڭ الدىمەن تۋعان جەرگە, ءوز اۋىلىنا, قالاسىنا, وڭىرىنە جانە كىشى وتانىنا دەگەن سۇيىسپەنشىلىكتەن باستاۋ الادى» دەگەن بولاتىن. ال, قازاقستاندىق ءپاتريوتيزمدى قالىپتاستىرىپ, ىلگەرى دامىتۋ ۇلتىمىزدىڭ ۇلى ادامدارىنىڭ ۇلگى-ونەگەسىن ۇرپاققا دارىپتەۋ ارقىلى جۇزەگە اسپاق. ولاي بولسا, ايتەكە بيدەي ۇلىلاردى ۇلىقتاۋ - بۇگىنگى ۇرپاقتىڭ ازاماتتىق پارىزى, - دەدى وبلىس اكىمى.
وسىندا 24 كاسىپكەرلىك نىسان سالۋ جوسپارلانىپ وتىر. سونداي-اق, قازالى قالاسىنىڭ اۆتوموبيل جولىن قايتا جاڭارتۋ بويىنشا جوبالىق-سمەتالىق قۇجاتتاماسى دايىندالدى. بۇدان باسقا, 600 ورىندىق مادەنيەت ءۇيى مەن مەكەمەلەر قۇرىلىسى جۇرگىزىلۋدە. 250 ورىندىق 12 ەكى قاباتتى تۇرعىنۇي قۇرىلىسى جوباسى دايىندالدى جانە جابىق بازار سالۋعا جەر ۋچاسكەسى ءبولىندى.
باقتيار تايجان,
«ەگەمەن قازاقستان»
قىزىلوردا وبلىسى
