قازاقستان, تۇرىكمەنستان, وزبەكستان, قىرعىزستان, تاجىكستان كسرو قۇرامىنان شىققاننان كەيىن ءار باعىتتا دامىپ, ارقايسى ءوز جولىن تاۋىپ كەتتى. وسى مەملەكەتتەردى ءبىر ورتادا جيناۋ ماقساتىندا مەملەكەت باسشىلارىمەن استانادا باس قوستىق. كەزدەسۋ ناتيجەلى بولدى. قازاقستان شەكارالاس مەملەكەتتەردىڭ ارقايسىسىمەن جوسپار قۇرىپ, ەكونوميكالىق ىنتىماقتاستىقتى جولعا قويدى. بۇل ءۇردىس جالعاسىن تاۋىپ, مەملەكەت باسشىلارى كەلەسى جىلى تاشكەنتتە جينالادى.
مەملەكەت باسشىسىنىڭ ايتۋىنشا, كورشىلەس مەملەكەتتەرمەن ىنتىماقتاستىق ەكونوميكامىزعا پايدالى بولماق. ويتكەنى شەكارانىڭ جاقىندىعى تاۋار تاسىمالداۋ ءۇشىن قولايلى. ونىڭ ۇستىنە حالىق سانىنىڭ جىل سايىن ارتۋى سۇرانىستىڭ دا ارتۋىنا الىپ كەلەدى.
وزبەكستانمەن سەرىكتەستىگىمىز ۇزدىكسىز دامىپ جاتىر. وزبەكستان قوستاناي قالاسىندا جەڭىل اۆتوكولىك زاۋىتىن ىسكە قوسسا, ءبىز كورشى مەملەكەتتە بانكتەر اشتىق. مەملەكەتىمىزگە گاز تاسىمالداۋ قىمبات ەكەنىن بىلەمىز. وسى ورايدا وزبەكستان ارقىلى تاسىمالداناتىن گاز باعاسىن 30 پايىزعا ارزانداتۋعا كەلىستىك. ەندىگى كەزەكتە اۋىز سۋ, ارال تەڭىزىنىڭ ماسەلەلەرى شەشىمىن تابادى دەپ سەنەمىن.
ەكى ەل اراسىندا ۇشاق تا, اۆتوبۋس تا, پويىز دا قاتىنايدى. شىمكەنت-تاشكەنت باعىتىنداعى اۆتوبان جۇمىسى اياقتالىپ, قولدانىسقا بەرىلدى.
ءسوز سوڭىندا نۇرسۇلتان نازارباەۆ وزبەكستانمەن قاتىناسىمىزدىڭ دامۋ قارقىنى قۋانتاتىنىن ايتتى.
