ەلباسى نۇرسۇلتان نازارباەۆتىڭ ءار جولداۋىن حالىق اسىعا كۇتىپ وتىراتىن جاعدايعا جەتتى. سەبەبى ەلباسى جولداۋىندا كورسەتىلگەن ەلىمىزدىڭ رۋحاني دامۋى ءھام جاندانۋىنا بايلانىستى ءار سويلەم عانا ەمەس, ءار ءسوزدىڭ استارىندا قازاق ەلى مەن مەملەكەتىنىڭ الەم الدىنداعى ابىرويىن ءوسىرىپ قانا قويماي, قازاق حالقىنىڭ تەرەڭ تامىرلى ەل ەكەنىن ايشىقتايتىن قاسيەت جاتقانىن كورەمىز.
مىنە, ەلباسىنىڭ « ۇلى دالانىڭ جەتى قىرى» دەپ اتالاتىن ماقالاسىمەن قاۋىشتىق. ماقالانىڭ تاقىرىبىنىڭ ءوزى-اق «مەن قازاقپىن» دەگەن كىسىنىڭ دەلەبەسىن قوزدىرىپ, ۇرپاق بويىنا بابالار رۋحىنىڭ اسىل بولمىسىن قۇيىپ جىبەرگەندەي اسەردە بولدىق. قۇدايعا شۇكىر, نەگىزسىز ەل ەمەسپىز عوي! سول بارىمىزدىڭ باعاسىن بازارلاي الاتىن ۋاقىت بۇگىن مۇمكىن بولىپ تۇر. وسى مۇمكىندىكتى ۋىستان شىعارىپ الساق, بولاشاق ءبىزدى كەشپەيدى. سوندىقتان ەلباسى وسى تۇجىرىمداماسىندا اتاپ كورسەتكەن قۇندىلىقتاردى ەل يگىلىگىنە ءيسىندىرۋ جولىندا كۇللى قازاقستان حالقى ءبىر اتانىڭ بالاسىنداي قۇلشىنا كۇش بىرىكتىرۋگە ءتيىسپىز!
مارالتاي رايىمبەك ۇلى,
اقىن
الماتى
