وسىعان بايلانىستى ينۆەستيتسيالار جانە دامۋ مينيسترلىگى ينۆەستيتسيالاردى تارتۋ جونىندەگى مەملەكەتتىك ساياساتتى قالىپتاستىرۋ سالاسىنداعى مىندەتىن ۇلتتىق ەكونوميكا مينيسترلىگىنە, ينۆەستيتسيالاردى تارتۋ جونىندەگى مەملەكەتتىك ساياساتتى ىسكە اسىرۋ سالاسىنداعى فۋنكتسيالارى مەن وكىلەتتىكتەرى سىرتقى ىستەر مينيسترلىگىنە بەرىلمەك.
قاۋلىعا سايكەس, سىرتقى ىستەر مينيسترلىگى ەكسپورتتى ىلگەرىلەتۋ سالاسىنداعى قىزمەتتى ۇيلەستىرۋگە جاۋاپتى. سونداي-اق مەملەكەتتىك ورگاندار بەرىلەتىن فۋنكتسيالار مەن وكىلەتتىكتەرگە سايكەس قايتا ۇيىمداستىرىلاتىن مەملەكەتتىك ورگاننىڭ قۇقىقتارى مەن مىندەتتەمەلەرىنىڭ قۇقىقتىق ميراسقورلارى بولىپ بەلگىلەندى.
بۇدان بولەك, ۇكىمەت ينۆەستيتسيالار جانە دامۋ مينيسترلىگىنىڭ ينۆەستيتسيالار جونىندەگى كوميتەتىن قازاقستان رەسپۋبليكاسى سىرتقى ىستەر مينيسترلىگىنىڭ قاراماعىنا بەرەدى. سونىمەن قاتار سىرتقى ىستەر مينيسترلىگىنە «Kazakh Invest» ۇلتتىق كومپانياسى» اكتسيونەرلىك قوعامىنىڭ اكتسيالار پاكەتىن يەلەنۋ جانە پايدالانۋ قۇقىقتارىن تاپسىرادى.
