ەرەكشەلىگى سول, جاڭا جىلدىڭ باس كەيىپكەرلەرى قار مەن مۇزدان ەمەس, اعاشتان جاسالعان. ءيا, التايدىڭ اعاشىنان. تاماشا تۋىندىنىڭ اۆتورى – جەرگىلىكتى شەبەر يۆان كۋرتۋكوۆ. «اياز اتا مەن اقشاقاردى جاساپ شىعۋ وڭايعا تۇسكەن جوق. لايىقتى ماتەريال تابۋ قيىنعا سوقتى. وسى رەتتە مالەەۆ اۋىلدىق وكرۋگى كومەككە كەلىپ, سىنعان تەرەك تاۋىپ بەردى. تۋىندىسى ءساتتى شىعۋى ءۇشىن يۆان كۇن, ءتۇن دەمەي, ءبىر جارىم-ەكى اي تەر توكتى. اياز اتانىڭ بيىكتىگى 2 جارىم مەتر, سالماعى 700 كەلى تارتسا, اقشاقاردىڭ بويى 2 مەتر, 300 سانتيمەتر, سالماعى – جارتى توننا», - دەيدى شەبەردىڭ جۇبايى يۋليا كۋرتۋكوۆا.
التايداعى اياز اتا مەن اقشاقاردىڭ تاعى ءبىر ەرەكشەلىگى, تابيعي قالپىنىڭ ساقتالعانىندا. «اعاشتىڭ تابيعي كوركەمدىگىن ساقتاۋ ماقساتىندا وڭدى-سولدى بوياۋدان باس تارتتىق. تەك لاكتى ازداپ پايدالاندىق», - دەيدى ءمۇسىنشى يۆان كۋرتۋكوۆ.
التاي اۋدانى اكىمىنىڭ ورىنباسارى جاننا اسقارقىزى تەرەكتەن بەدەرلەنگەن ەرەكشە مۇسىندەر اۋدان اكىمىنىڭ تاپسىرىسىمەن جانە جارامسىز اعاشتاردى ىسىراپ ەتپەي, كادەگە جاراتۋ ماقساتىندا جاسالعانىن ايتادى. «شىرشانىڭ شامىن كەشە سالتاناتتى تۇردە جاقتىق. تۇرعىندار ءدان ريزا. تۋىندىنى تاماشالاۋعا كەلىپ جاتقان جۇرت كوپ», دەيدى ول.
ازامات قاسىم,
«ەگەمەن قازاقستان»
شىعىس قازاقستان وبلىسى, التاي اۋدانى
