بۇگىن بانكتىڭ باسقارما مۇشەلەرى الماتىداعى قازاقستان ءباسپاسوز كلۋبىندا باق وكىلدەرىمەن كەزدەسىپ, 2018 جىلدىڭ قورىتىندى ءباسپاسوز ءماجىلىسىن وتكىزدى.
2018 جىلى تۇرعىن ءۇي قۇرىلىس جيناق بانكى ءۇي ساتىپ الۋعا ارنالعان زاەمداردىڭ رەكوردتىق سانىن رەسىمدەدى. جىل باسىنان بەرى بانكتىڭ 36 790 سالىمشىسى قونىس تويىن اتاپ وتكەن. بۇل – وتكەن جىلمەن سالىستىرعاندا ايتارلىقتاي جوعارى كورسەتكىش. 2017 جىلى 28 673 زاەم بەرىلگەن بولاتىن.
بيىل تۇرعىن ءۇي قۇرىلىس جيناق بانكىنىڭ قازاقستاندىق يپوتەكاداعى ۇلەسى 63%-دى قۇرادى.
2018 جىلى رەسىمدەلگەن نەسيە سانى بويىنشا ءبىرىنشى ورىندا استانا تۇر (بارلىعى 7 739 نەسيە). ەكىنشى ورىن الماتى قالاسىنا تيەسىلى بولسا (5 786), ءۇشىنشى ورىندا اقتوبە وبلىسى تۇر (3 696).
– جالپى, بانك جۇمىس ىستەپ كەلە جاتقالى بەرى 170 مىڭداي قازاقستاندىقتىڭ تۇرعىن ءۇي جاعدايىن جاقسارتۋعا كومەكتەستىك. قازىر تۇرعىن ءۇي قۇرىلىس جيناق بانكىندە 119 مىڭ نەسيە بار. ولاردىڭ ايتارلىقتاي بولىگىنىڭ, ياعني 27 مىڭ زاەمشىنىڭ ايلىق تابىسى 50-100 مىڭ تەڭگە ارالىعىندا. 19 مىڭ زاەمشى 100-140 مىڭ تەڭگە كولەمىندە جالاقى الادى. ال 13 مىڭ كليەنت 50 مىڭ تەڭگە تابىسپەن دە زاەم رەسىمدەپ, ءۇيلى بولدى. بۇل بىرەگەي تۇرعىن ءۇي قۇرىلىس جيناق جۇيەسىنىڭ ارقاسىندا مۇمكىن بولىپ وتىر. ول تابىسىنا قاراماستان كەز كەلگەن ادامعا باسپانالى بولۋعا جول اشادى. ال بانكتەگى دەپوزيتىن اي سايىن تۇراقتى تۇردە ۇسىنىلعان سوماعا تولىقتىرىپ وتىرعان كليەنت ءۇشىن تولەم قابىلەتتىلىگىن راستاۋ ءتارتىبى جەڭىلدەتىلدى, – دەيدى تۇرعىن ءۇي قۇرىلىس جيناق بانكى باسقارما ءتورايىمى ءلاززات يبراگيموۆا.
بولاشاق باسپانا ءۇشىن اقشا جيناۋعا كەلگەندە سالىمشىلارعا مەملەكەت تە كومەكتەسىپ وتىر. بانكتىڭ بارلىق سالىمشىلارى ءبىر جىل ىشىندەگى شوتقا سالعان اقشانىڭ 20%-نا تەڭ سومانى مەملەكەتتىك سىياقى تۇرىندە الا الادى.
ماسەلەن بيىل بەينە-بايلانىس ارقىلى كەڭەس الۋ, دەپوزيتتى ونلاين-رەجيمدە ساتىپ الۋ مۇمكىندىكتەرى پايدا بولدى. قازىرگى تاڭدا ونلاين قىزمەتتى پايدالاناتىندار سانى 80 پايىزدان اسقان.
