«نەگىزگى جۇمىسىمىزدىڭ ءبىرى – جۇمىسكەرلەر مۇددەلەرىن جانە قۇقىقتارىن قورعاۋ, ولاردىڭ الەۋمەتتىك ماسەلەلەرىن شەشۋ, جۇمىسكەرلەردىڭ ەڭبەك جاعدايلارىن جاقسارتۋ بولىپ تابىلادى. تۇركىستان وبلىسى مەن شىمكەنت قالاسى بويىنشا ستاتيستيكالىق مالىمەتكە جۇگىنسەك, جۇمىس ىستەپ تۇرعان 13702 كاسىپورىننىڭ 5725-ىندە ۇجىمدىق شارت جاسالسا, 7977-سىندە الىگە دەيىن شارت جاسالماعان», دەيدى بەرىك بەكجانوۆ.
بيىل تۇركىستان وبلىسى جانە شىمكەنت قالاسى بويىنشا كاسىپورىندار مەن ۇيىمداردا 101 وندىرىستىك جازاتايىم وقيعالار ورىن الىپ, ونىڭ سالدارىنان 122 جۇمىسكەر زارداپ شەككەن. ونىڭ ىشىندە, 22-ءى قايتىس بولىپ, 51-ءى اۋىر جاراقات العان. ال 49-ى جەڭىل جاراقاتتانعان. ورىن العان 101 وندىرىستىك جازاتايىم وقيعالاردىڭ 28-ىنە ەڭبەك ينسپەكتسياسىمەن بىرلەسە زەرتتەۋ جۇمىستارى جۇرگىزىلگەن. قالعان مەكەمەلەردە كاسىپوداق بولماۋىنا بايلانىستى زەردەلەۋگە قاتىسۋعا مۇمكىندىك بولماي وتىر. وسىعان وراي, كاسىپوداق قۇرىلماعان مەكەمەلەردە باستاۋىش كاسىپوداق ۇيىمدارىن اشۋ جانە ولارعا مۇشەلەر تارتۋ جۇمىستارى جۇرگىزىلۋدە. وسى باعىتتا جاڭادان 41 باستاۋىش كاسىپوداق ۇيىمى اشىلىپ, وعان 3079 مۇشە تارتىلدى.
تۇركىستان وبلىسى مەن شىمكەنت قالاسى اكىمدىگىندە الەۋمەتتىك ارىپتەستىك پەن الەۋمەتتىك جانە ەڭبەك قاتىناستارىن رەتتەۋ جونىندەگى ۇشجاقتى وڭىرلىك كوميسسيالار قۇرىلدى.
ازاماتتاردىڭ جالاقى قارىزدارىن شەشۋ ماسەلەلەرى الەۋمەتتىك ارىپتەستىك پەن الەۋمەتتىك جانە ەڭبەك قاتىناستارىن رەتتەۋ جونىندەگى (ۇشجاقتى) تۇركىستان وبلىستىق جانە شىمكەنت قالالىق كوميسسياسىندا قارالىپ, ءتيىستى جۇمىستار جۇرگىزىلدى.
شىمكەنت قالاسى بويىنشا جالاقى قارىزداردى جويۋ جونىندە ۇشجاقتى كوميسسيا جۇرگىزگەن جۇمىستاردىڭ ناتيجەسىندە 4 مەكەمە قارىزدارىن جاپقان. ال, 2 مەكەمە بانكروت دەپ تانىلعان. بۇگىنگە 6 مەكەمەدە 910 جۇمىسكەردىڭ الدىندا 143,4 ملن. تەڭگە جالاقى قارىزى قالىپ وتىر.
شىمكەنت قالاسىندا 10 مەكەمەنىڭ 1294 جۇمىسكەرگە 192 ملن. 892 مىڭ تەڭگە جالاقى قارىزى بولعان. قالعان 6 مەكەمە 910 جۇمىسكەردىڭ الدىندا 143,4 ملن. تەڭگە قارىز بولىپ وتىر. ولار جەكە-جەكە «كومپانيا ZALI (زالي)» جشس-ءى 722 جۇمىسكەرگە 92,3 ملن. تەڭگە, «KAZMEDPRIBOR HOLDING» جشس-ءى 132 جۇمىسكەرگە 26,7 ملن.تەڭگە, «وركەن» جشس-ءى 9 جۇمىسكەرگە 10,6 ملن. تەڭگە, شىمكەنت گاز مونتاج قمب» اق 11 جۇمىسكەرگە 4,1 ملن. تەڭگە, جك «ەرمەكوۆا ر.ۋ.» 27 جۇمىسكەرگە 6,064 ملن. تەڭگە, «سا-فاري» جشس 9 جۇمىسكەرگە 3,66 ملن. تەڭگە قارىز بولىپ وتىر.
ال, تۇركىستان وبلىسى بويىنشا 2 مەكەمە قارىزىن جاپقان. 73 جۇمىسكەردىڭ الدىندا 43 ملن.735 مىڭ تەڭگە جالاقى قارىز 2 مەكەمە بولسا, 82 جۇمىسكەرگە 126 ملن. 667 مىڭ 758 تەڭگە جالاقى قارىزى بار 4 مەكەمە تۇر. جالپى 2 مەكەمە 73 جۇمىسكەردىڭ الدىندا 43 ملن. 735 مىڭ تەڭگە جالاقى قارىزى قالىپ وتىر. ولار: سايرام اۋدانىنداعى «STARTUS-OIL» جشس-ءى 67 جۇمىسكەرگە 42 ملن. 935 مىڭ تەڭگە, ارىس قالاسىنداعى «سپەتس اتوم سەرۆيس» جشس-ءى 6 جۇمىسكەرگە 800 مىڭ تەڭگە قارىز.
سونداي-اق, جۇمىسكەرلەردىڭ دەنساۋلىعىن جاقسارتۋ ماقساتىندا بيىل تامىز ايىندا كاسىپوداقتار ورتالىعى جانىنان «پروفتۋر» تۋريزم ورتالىعى قۇرىلعان. سونان بەرى «مەركە», «جاڭاقورعان», «مانكەنت», «ارمان» شيپاجايلارىنا جالپى سانى 15 جولداما بەرىلىپتى.
قر جوعارعى سوتىمەن جانە قر كاسىپوداقتار فەدەراتسياسىمەن جاسالعان مەموراندۋمىن جۇزە اسىرۋ ماقساتىندا وسى جىلدىڭ 28 تامىزىندا تاتۋلاستىرۋ ورتالىعى قۇرىلدى. وندا كاسىبي مەدياتورلاردىڭ كەزەكشىلىك كەستەسى قۇرىلىپ, 7 مەدياتور كەزەكپەن جۇمىس ىستەۋدە.
نۇرشات توكەن,
«ەگەمەن قازاقستان»
