اۋماعى 38 گەكتار جەرگە 88 كوپقاباتتى تۇرعىن ءۇي سالىنادى. ونىڭ 44-ءىن 2019 جىلى, قالعان 44-ءىن 2020 جىلى پايدالانۋعا بەرۋ جوسپارلانعان. جالپى اۋماعى 196285 شارشى مەتر بولاتىن «وتىرار», «سىرداريا», «ارمان» جانە «ساۋران» تۇرعىن ءۇي كەشەندەرىندە 2724 پاتەر ەل يگىلىگىنە بەرىلمەك. قۇرىلىس جۇمىستارىن «وڭتۇستىك قۇرىلىس سەرۆيس» جشس-ءى, «بەرەن» جشس, «شىمكەنت قۇرىلىس» جشس جانە «NK Building» جشس-ءى جۇرگىزەدى. "بۇگىن «تۇركىستان» الەۋمەتتىك كاسىپكەرلىك كورپوراتسياسى مەن جەكە ينۆەستيتسيا ەسەبىنەن بوي كوتەرەتىن تۇرعىن ۇيلەردىڭ قۇرىلىس جۇمىستارى باستالادى. مۇندا 2-ءىنشى جانە 3-ءىنشى كلاسستاعى 2724 پاتەر بار. وسى باسپانالار «نۇرلى جەر» جانە «7-20-25» باعدارلاماسى اياسىندا جۇزەگە اسادى. بىرەر جىلدا وبلىس ورتالىعى جاڭا كەلبەتكە يە بولادى. قۇرىلىس جۇمىستارىنا وتاندىق ونىمدەر قولدانىلادى. تۇرعىن ءۇيدىڭ ساپالى بولاتىنىنا سەنىمدىمىن», - دەدى وبلىس اكىمى كوپقاباتتى تۇرعىن ءۇيدىڭ ىرگەتاسىن قالاۋ راسىمىندە.
عالىمجان ەلشىباي,
«ەگەمەن قازاقستان»
تۇركىستان وبلىسى
