قاراعاندىلىق بالاقايلارعا ەلباسى نۇرسۇلتان نازارباەۆ بەينەقۇتتىقتاۋ جولدادى.
– ەڭبەكقورلىق پەن ىزدەنىمپازدىق سىزدەرگە بارلىق باستامالاردا كومەگىن تيگىزەدى. ءاردايىم دەندەرىڭىز ساۋ جانە مىقتى بولىڭىزدار, جاڭا بەلەستەردى باعىندىرۋعا جاڭا تەحنولوگيالاردى مەڭگەرۋگە, ءبىلىم الۋعا تالپىنىڭىزدار. ءوز اتا-انالارىڭىزدىڭ, مۇعالىمدەر مەن تاربيشىلەرىڭىزدىڭ قولداۋىن باعالاڭىزدار. جاڭا جىلدا بارلىق ارماندارىڭىز ورىندالسىن دەپ تىلەيمىن, – دەدى پرەزيدەنت.
سونىمەن قاتار پرەزيدەنت شىرشاسىنا قاتىسۋ باقىتىنا يە بولعان بالالاردى قاراعاندى وبلىسىنىڭ اكىمى ەرلان قوشانوۆ تا قۇتتىقتادى.
– ءبىز سىزدەرگە ءۇمىت ارتامىز. سىزدەردىڭ بارلىقتارىڭىز ءبىلىمدى, بىلىكتى ادامدار, ءوز ەلىن سۇيەتىن جانە قازاقستاندى بۇكىل الەمگە تانىمال ەتەتىن جاستار بولاتىندارىڭىزعا كۇمانىمىز جوق. ال ءبىز بولساق, سىزدەردىڭ تابىستارىڭىزدى ماقتان تۇتاتىن بولامىز, – دەدى ءوڭىر باسشىسى.
پرەزيدەنت شىرشاسى مەرەكەسىندە بالالارعا ەلباسىنىڭ اتىنان سىيلىقتار تاپسىرىلدى. ولار كىتاپتار جانە ءتاتتى سىيلىقتارمەن قوسا, 50 مىڭ تەڭگەنىڭ سەرتيفيكاتتارى مەن سپورتتىق سومكەلەرگە يە بولدى.
قايرات ءابىلدا,
«ەگەمەن قازاقستان»
قاراعاندى
