وسى ارالىقتا ورتالىق دارىگەرلەرى 2,5 مىڭ ناۋقاستىڭ جۇرەگىنە اشىق ادىسپەن وتا جاساپ, 15 مىڭداي كورونارلىق زەرتتەۋ جۇرگىزگەن. قازىر مۇندا جىلىنا 250-دەي وتا جاسالىپ, 700-دەي ستەند, اورتوكورونارلىق شۋنت قويىلادى.
كارديولوگيالىق ورتالىقتىڭ باس دارىگەرى ازامات ماعزۇموۆتىڭ ايتۋىنشا اۋرۋحانادا 7 بولىمشە بار. 55 تاجىريبەلى دارىگەر ەڭبەك ەتەدى. 2008 جىلمەن سالىستىرعاندا جۇرەك اۋرۋىنا ۇشىراعاندار اراسىندا ءولىم 2,5 ەسەگە كەمىگەن.
جۇرەك-قان تامىرلارى كەسەلىنە شالدىققان پەتروپاۆلدىق دۋلات قاجكەنوۆتى اق حالاتتى ابزال جاندار ءولىم اۋزىنان الىپ قالعان. دەم الىسى قيىنداسا دا ءمان بەرمەستەن جۇرە بەرگەن. ونىڭ اقىرى جۇرەك قاقپاشالارىنىڭ بىتەلىپ قالۋىنا سوقتىرعان. اۋرۋحاناعا جەدەل جاردەممەن جەتكىزىلگەن ول ۇيگە ءوز اياعىمەن قايتقان. ەل تاۋەلسىزدىگى مەرەكەسى قارساڭىندا «قۇرمەت» وردەنىمەن ماراپاتتالعان ينتەنسيۆتى تەراپيا بلوگىنىڭ مەڭگەرۋشىسى ميحايل تەليۋك باستاعان دارىگەرلەر قولدان كەلگەن كومەكتەرىن جاساعان.
«بۇگىندە وتانىڭ ءتۇر-ءتۇرى جاسالادى. سولاردىڭ ءبىرى –جۇرەككە ەلەكتروكارديوستيمۋلياتور قويۋ. جىلىنا وسىنداي 170 قىزمەت كورسەتىلەدى. جاقىندا عانا 55 جاستاعى سىرقاتقا 2 كامەرالىق ەلەكتروكارديوستيمۋلياتور قويىلىپ, ءومىرى 12-15 جىلعا ۇزارتىلدى. العاشقى جىلدارى 37 اورتوكورونارلىق شۋنت جانە 100-دەن اسا ستەند قويىلسا, قازىر بۇل كورسەتكىشتەر الدەقايدا ارتتى», دەيدى باس دارىگەردىڭ ەمدەۋ ءىسى جونىندەگى ورىنباسارى, ينتەرۆەنتسيالىق اريتمولوگ اسحات مولجىگىتوۆ.
ماماندار ءداستۇرلى تۇردە شەت ەلدەردە تاجىريبە جيناقتاپ, بىلىمدەرىن شىڭداپ وتىرادى. بولىمشەلەر قاجەتتى مەديتسينالىق قۇرال-جابدىقتارمەن تولىق قامتىلعان. وبلىس اكىمىنىڭ قولداۋىمەن راديوبولشەكتىك ابلياتسيا اپپاراتى الىنىپتى.
ءبىر اتاپ وتەرلىگى, زاماناۋي جاراقتاندىرىلعان كارديوورتالىقتىڭ كومەگىنە شەتەلدىكتەر دە جۇگىنەدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
