قالا اكىمىنىڭ ورىنباسارى ارمان قىرىقباەۆ سىبايلاس جەمقورلىقپەن كۇرەس مەملەكەتتىك ساياساتتىڭ باسىم باعىتتارىنىڭ ءبىرى ەكەندىگىنە توقتالىپ, «الماتى – ادالدىق الاڭى» جوبالىق ءوفيسىنىڭ ماقساتى مەملەكەتتىك ورگاندارداعى جەمقورلىقتى جويۋ, قوعامدىق باقىلاۋدى ىسكە اسىرۋ, جەمقورلىققا قارسى مادەنيەتتى قالىپتاستىرۋ, بيلىك ينستيتۋتتارىنا دەگەن ازاماتتاردىڭ سەنىمىن ارتتىرۋ بويىنشا جۇمىستاردى ۇيلەستىرۋ, سونداي-اق جەكەلەگەن ازاماتتار مەن بيزنەس ءۇشىن كەدەرگىسىز ءارى قولايلى جاعداي جاساۋ, دەپ اتاپ ءوتتى.
«رۋحاني جاڭعىرۋ» باعدارلاماسىن ىسكە اسىرۋعا بايلانىستى ءارى وسى باعىتتاعى جۇمىستاردى جانداندىرۋدى ماقسات ەتە وتىرىپ, قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى, الماتى قالاسى اكىمدىگى جانە ءال-فارابي اتىنداعى قازۇۋ بىرلەسە «Sanaly urpaq» جەمقورلىققا قارسى تەحنولوگيالار زەرتحاناسى اشىلعان بولاتىن. وسى ورتالىق اشىلعان ارالىقتا ون مىڭنان اسا ازامات قامتىلعان ءتۇرلى شارالار وتكىزىلگەن. وسى ورايدا ءبىلىم سالاسىندا جەمقورلىقپەن كۇرەسكە بايلانىستى ارنايى ۇسىنىستار جاسالىپ, جەمقورلىققا قارسى تەحنولوگيالار كارتاسى ازىرلەنگەن.
قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى ولجاس بەكتەنوۆ مەملەكەت باسشىسىنىڭ تاپسىرماسىنا وراي «الماتى – ادالدىق الاڭى ءوفيسىنىڭ» اشىلىپ وتىرعاندىعىنا ءارى مۇنداي ءوفيستىڭ استانا قالاسىندا اقپان ايىنان بەرگى ارالىقتا جۇمىس ىستەپ جاتقاندىعىنا توقتالدى. استانا ءوفيسىنىڭ تاجىريبەسى وسى ورايدا الماتىمەن قاتار رەسپۋبليكانىڭ بارلىق وڭىرلەرىندە جۇزەگە اساتىن بولادى. ولجاس بەكتەنوۆتىڭ ايتۋىنشا, بۇگىنگى تاڭدا جەمقورلىقپەن كۇرەستىڭ ارنايى قاعيداسى جوق, الايدا ونىمەن كۇرەس بارىسىندا پايدا بولعان ءىس-قيمىلدار, ارەكەتتەر سىبايلاس جەمقورلىقپەن كۇرەس جۇرگىزۋگە مۇمكىندىك بەرەدى. اتالعان جوبا اياسىنداعى باستى مىندەت – قاراپايىم ازامات پەن شەنەۋنىك اراسىنداعى قاشىقتىقتى جاقىنداتۋ. ولجاس بەكتەنوۆ ەلىمىزدەگى جەمقورلىقپەن كۇرەس ۇردىستەرىنە كەڭىنەن توقتالىپ, سوڭعى ۋاقىتتاردا اتقارىلعان ىستەردىڭ ناتيجەسى تۋرالى بايانداپ ءوتتى. وسى شارا اياسىندا سونىمەن قاتار «Sanaly urpaq» جوبالىق كەڭسەسىنىڭ جەتەكشىسى قايىرجان توقۋشەۆ قاتىسۋشىلاردى ورتالىقتىڭ جۇمىسىنا قاتىستى بىرقاتار مالىمەتتەرمەن تانىستىردى.
ەلۆيرا سەرىكقىزى,
«ەگەمەن قازاقستان»
الماتى
