سالتاناتتى شاراعا قر ءبىلىم جانە عىلىم ءمينيسترى ەرلان ساعاديەۆ, قر ءبىلىم جانە عىلىم ۆيتسە-ءمينيسترى ە.ا.سۋحانبەرديەۆا, قر پارلامەنتى ءماجىلىسىنىڭ دەپۋتاتتارى, «ورلەۋ» باۇو» اق باسقارما توراعاسى گۇلناس احمەتوۆا, ءبىلىم جانە عىلىم سالاسىنىڭ كورنەكتى قايراتكەرلەرى, ءبىلىم بەرۋدى باسقارۋ ورگاندارىنىڭ, وقۋ ورىندارىنىڭ, «ورلەۋ» باۇو» اق فيليالدارىنىڭ باسشىلارى مەن قىزمەتكەرلەرى, سونداي-اق كونكۋرسقا قاتىسقان بارلىق وبلىستار, استانا, الماتى قالالارى جەڭىمپازدارى مەن جۇلدەگەرلەرى قاتىستى.
مينيستر بۇل كونكۋرستىڭ ءبىلىم بەرۋ سالاسى ءۇشىن جانە پەداگوگتاردىڭ بىلىكتىلىگىن ارتتىرۋداعى جوعارى ماڭىزدىلىعىنا توقتالدى. قاتىسۋشىلار مەن جەڭىمپازدارعا العىسىن ءبىلدىرىپ, ءبىرىنشى ورىن يەگەرلەرىن ماراپاتتاسا, ەكىنشى ورىن يەگەرلەرىن قازاقستاننىڭ ەڭبەك ەرى اياگۇل ميرازوۆا ماراپاتتادى. ءۇشىنشى جۇلدەلى ورىن يەگەرلەرىن «ورلەۋ» باۇو» اق باسقارما ءتورايىمى گۇلناس احمەتوۆا قۇتتىقتاپ, ۇلكەن جەڭىستەر بيىگىنە جەتىڭىزدەر دەگەن تىلەگىن ءبىلدىردى.
قازاقستاننىڭ ءبىلىم بەرۋ جۇيەسىندە وسىنداي اۋقىمدى كونكۋرستىق جوبا تۇڭعىش رەت ءوتىپ وتىر. كونكۋرس وڭىرلىك جانە رەسپۋبليكالىق ەكى كەزەڭ بويىنشا ءوتتى. كونكۋرستىڭ وڭىرلىك كەزەڭىنە 2750 پەداگوگ قاتىسسا, ەكىنشى رەسپۋبليكالىق كەزەڭىنە 22 اتالىم بويىنشا ۇسىنىلعان 940 بەينە-ساباقتار مەن بەينە-دارىستەردىڭ 66-سى جۇلدەلى ورىندى يەلەندى.
«پەداگوگيكالىق يدەيالار پانوراماسى» رەسپۋبليكالىق كونكۋرسى اياسىندا ەلىمىزدىڭ ۇزدىك مۇعالىمدەرىنىڭ وزىق تاجىريبەلەرى تاراتىلدى. كونكۋرستىڭ بارلىق بەينە-ساباقتارى مەن بەنە-دارىستەرى «ورلەۋ» باۇو» اق YouTube-تەگى ءبىلىم كانالىندا (https://www.youtube.com/channel/UCXC-idU18buI-_kCBLU16-g) جاريالاندى. بۇگىنگى كۇننىڭ وزىندە تىركەلۋشىلەر سانى 32 مىڭنان اساتىن «ورلەۋدىڭ» ءبىلىم كانالىندا 1500-دەن استام بەينە-ساباقتار, بەينە-دارىستەر بار جانە دە ءار كۇن سايىن جازىلۋشىلار سانى ارتىپ كەلەدى.
ەلۆيرا سەرىكقىزى,
«ەگەمەن قازاقستان»
الماتى
