بۇل قاقتىعىس بارسەلوناداعى يسپانيانىڭ مينيسترلەر كەڭەسىنىڭ وتىرىسى ءوتىپ جاتقان اۋداندا ورىن العان.
نارازىلىق ءبىلدىرۋشى توپ وكىلدەرى جينالىس ءوتىپ جاتقان لوتحا-دە-مار سارايىنا كىرۋگە تىرىسقان.
اشىنعان نارازى توپ وكىلدەرى باعدارشامداردى ج ۇلىپ, قوقىس سالاتىن كونتەينەرلەردى توگىپ, پوليتسياعا تاس اتقىلاعان. راديكالدار جەرگىلىكتى تەلەارنانىڭ ءجۋرناليسى مەن ءتۇسىرۋ توبىنا شابۋىلداعان. قازىرگى تاڭدا جەتى ادام ۇستالدى دەپ حابارلايدى, Mossos d'Esquadra كاتالونيالىق قۇقىق قورعاۋشى ورگاندار.
نارازىلىق اكتسياسىنىڭ نەگىزگى سەبەبى – جۇما سايىن مادريدتە وتەتىن يسپانيانىڭ مينيسترلەر كەڭەسىنىڭ بارسەلوندا وتكىزىلۋى.
بەيسەنبى كۇنى بارسەلونادا يسپانيا مەن كاتالونيانىڭ ۇكىمەت وكىلدەرى پەدرو سانچەس پەن كيم توررانىڭ كەزدەسۋى ءوتتى. كەزدەسۋدىڭ ناتيجەسى بويىنشا, وندا تاراپتار الداعى ۋاقىتتاردا كاتالونيادا بولاتىن قاقتىعىستاردى مويىندادى جانە كەلىسپەۋشىلىكتەردى ەڭسەرۋ ءۇشىن ديالوگ جۇرگىزۋگە كەلىستى.
