زاڭ جوباسى مەنشىك قۇقىعىن قورعاۋدى كۇشەيتۋگە, تورەلىك ينستيتۋتىن جەتىلدىرۋگە, سوت جۇكتەمەسىن وڭتايلاندىرۋعا جانە ەكونوميكالىق قىلمىستاردى ىزگىلەندىرۋگە باعىتتالعان.
وندا 42 زاڭنامالىق اكتىگە, ونىڭ ىشىندە 11 كودەكسكە وزگەرىستەر مەن تولىقتىرۋلار ەنگىزىلەدى.
ەلىمىزدىڭ قىلمىستىق-پروتسەستىك كودەكسiنە م ۇلىكتى تاركىلەۋ كەزىندە ادامداردىڭ م ۇلىكتىك قۇقىعىن قورعاۋدى كوزدەيتىن تولىقتىرۋلار ەنگىزىلەدى. اتاپ ايتقاندا: قىلمىستىق قۋدالاۋ ورگانىنىڭ جانە سوتتىڭ تاركىلەۋ نىسانىنا جاتقىزىلعان ناقتى م ۇلىكتى جانە دالەلدەمەنى كورسەتۋ مىندەتى; سوتتىڭ م ۇلىكتى تىيىم سالۋدان بوساتۋ تۋرالى ماسەلەنى قاراۋ جونىندەگى قۇزىرەتى بەلگىلەنگەن.
قىلمىستىق كودەكس ەكونوميكالىق جانە سالىقتىق قۇقىق بۇزۋشىلىقتاردى ىزگىلەندىرۋ ماسەلەلەرىن قوزعايتىن نورمالارمەن تولىقتىرىلادى. ونىڭ ىشىندە ۇلتتىق ۆاليۋتانى جانە (نەمەسە) شەتەل ۆاليۋتاسىن رەپاترياتسيالاۋ تالابىن العاش رەت ورىنداماعان ادام مىندەتتى ەسەپكە جاتقىزىلۋعا ءتيىس قاراجاتتى بانكتەگى شوتقا قايتارعان جاعدايدا قىلمىستىق جاۋاپتىلىقتان بوساتىلادى; قازاقستان رەسپۋبليكاسىنىڭ بۋحگالتەرلiك ەسەپ پەن قارجىلىق ەسەپتiلiك تۋرالى زاڭناماسىن العاش رەت بۇزعان نەمەسە بانكتiڭ اقشاسىن زاڭسىز العاش رەت پايدالانعان ادام زالالدى ءوز ەركىمەن وتەگەن جاعدايدا قىلمىستىق جاۋاپتىلىقتان بوساتىلادى; سالىق جانە (نەمەسە) بيۋدجەتكە تولەنەتiن باسقا دا مiندەتتi تولەمدەردi تولەۋدەن جالتارعان ادام قازاقستان رەسپۋبليكاسىنىڭ زاڭناماسىندا بەلگىلەنگەن سالىقتار جانە (نەمەسە) بيۋدجەتكە تولەنەتىن باسقا دا مىندەتتى تولەمدەر بويىنشا بەرەشەكتى, سونداي-اق ءوسىمپۇلدى ءوز ەركىمەن تولەگەن جاعدايدا قىلمىستىق جاۋاپتىلىقتان بوساتىلادى.
سوت جۇكتەمەسىن وڭتايلاندىرۋ ماقساتىندا زاڭ جوباسىمەن: سوت وڭايلاتىلعان (جازباشا) ءىس جۇرگىزۋ تارتىبىمەن قارايتىن ون ءىستى بۇيرىق ارقىلى ءىس جۇرگىزۋگە; سوت بۇيرىعى شىعارىلاتىن توعىز داۋسىز تالاپتى اتقارۋشىلىق جازبانى جاساۋ ءۇشىن نوتاريۋسقا; سوت اتقارۋشىلارىنىڭ قاۋلىلارىن سانكتسيالاۋدىڭ بىرقاتارىن سوتتان پروكۋراتۋراعا بەرۋدى كوزدەيتىن وزگەرىستەر مەن تولىقتىرۋلار ەنگىزىلەدى.
سونداي-اق, كوميتەت وتىرىسىندا «قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا قازاقستان رەسپۋبليكاسىنىڭ اكىمشىلىك-اۋماقتىق قۇرىلىمى ماسەلەلەرى بويىنشا وزگەرتۋلەر ەنگىزۋ تۋرالى» زاڭ جوباسى قارالدى.
زاڭ جوباسى قازاقستان رەسپۋبليكاسى پرەزيدەنتىنىڭ 2018 جىلعى 19 ماۋسىمداعى «قازاقستان رەسپۋبليكاسىنىڭ اكىمشىلىك-اۋماقتىق قۇرىلىسىنىڭ كەيبىر ماسەلەلەرى تۋرالى» №702 جارلىعىن جۇزەگە اسىرۋ ماقساتىندا ازىرلەندى. جارلىققا سايكەس, شىمكەنت قالاسى رەسپۋبليكالىق ماڭىزى بار قالالاردىڭ ساناتىنا, ال وڭتۇستىك قازاقستان وبلىسى تۇركىستان وبلىسى دەپ قايتا اتالدى جانە ونىڭ اكىمشىلىك ورتالىعى شىمكەنت قالاسىنان تۇركىستان قالاسىنا كوشىرىلدى.
زاڭ جوباسىنىڭ ماقساتى – نورماتيۆتىك-قۇقىقتىق بازانى پرەزيدەنت جارلىعىنا سايكەس كەلتىرۋ بولىپ تابىلادى.
جوبا «قازاقستان رەسپۋبليكاسىنداعى سايلاۋ تۋرالى» جانە «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» كونستيتۋتسيالىق زاڭدارعا تۇزەتۋلەر ەنگىزۋدى كوزدەيدى.
ەنگىزىلەتىن وزگەرتۋلەر رەداكتسيالىق سيپاتقا يە بولىپ وتىر. اتاپ ايتقاندا, جوعارىدا اتالعان كونستيتۋتسيالىق زاڭداردا «رەسپۋبليكالىق ماڭىزى بار قالا جانە استانا» جانە «الماتى جانە استانا قالالارى» سوزدەرىن «رەسپۋبليكالىق ماڭىزى بار قالالار جانە استانا» سوزدەرىنە اۋىستىرۋ ۇسىنىلادى.
سونىمەن قاتار, كوميتەت «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى جانە كولەڭكەلى ەكونوميكاعا قارسى ءىس-قيمىل ماسەلەلەرى بويىنشا وزگەرتۋلەر مەن تولىقتىرۋلار ەنگىزۋ تۋرالى» زاڭ جوباسىن قارادى.
زاڭ جوباسىنىڭ ماقساتى جارلىقتى جۇزەگە اسىرۋعا وراي زاڭنامانىڭ جەكەلەگەن ەرەجەلەرىن قازاقستان رەسپۋبليكاسىنداعى اكىمشىلىك-اۋماقتىق قۇرىلىمعا ەنگىزىلگەن وزگەرىستەرگە سايكەستەندىرۋ بولىپ تابىلادى. وندا شىمكەنت جانە تۇركىستان قالالارىنىڭ مارتەبەسىنىڭ وزگەرۋىنە بايلانىستى 2018 جىلعى 1 شىلدەدەن باستاپ الىناتىن سالىق مولشەرلەمەلەرىن ارتتىرۋ بويىنشا سالىق كودەكسىنە تۇزەتۋلەر ەنگىزىلەدى.
الايدا, اتالعان ايماقتاردىڭ سالىق تولەۋشىلەرىنىڭ جاعدايىن ناشارلاتۋدى بولدىرماۋ ماقساتىندا وزگەرتىلگەن بازالىق سالىق مولشەرلەمەلەرىن الۋدى 2020 جىلعى 1 قاڭتارعا دەيىن توقتاتا تۇرۋ قاراستىرىلعان.
«ارال وڭىرىندەگى ەكولوگيالىق قاسىرەت سالدارىنان زارداپ شەككەن ازاماتتاردى الەۋمەتتىك قورعاۋ تۋرالى» قازاقستان رەسپۋبليكاسىنىڭ 1992 جىلعى 30 ماۋسىمداعى زاڭىنىڭ 5-بابىنىڭ 2-تارماعىنا سايكەس وڭتۇستىك قازاقستان وبلىسىنىڭ تۇركىستان قالاسى ەكولوگيالىق قاسىرەت جاعدايىنداعى ايماققا ەنگەن بولاتىن.
تۇركىستان وبلىسى اكىمشىلىك ورتالىعىنىڭ شىمكەنت قالاسىنان تۇركىستان قالاسىنا كوشىرىلۋىنە بايلانىستى تۇركىستان وبلىسىنا قاراستى 12 اۋىلدىق وكرۋگ تۇرعىندارىن الەۋمەتتىك قورعاۋ شارالارىن ساقتاۋ جونىندە زاڭ جوباسىنا تۇزەتۋلەر ەنگىزىلەدى.
ەلباسىنىڭ 2018 جىلعى 5 قازانداعى قازاقستان حالقىنا جولداۋىن ىسكە اسىرۋ ماقساتىندا زاڭ جوباسى كەدەن ىستەرى سالاسىنداعى قۇقىق قورعاۋ فۋنكتسيالارىن مەملەكەتتىك كىرىس كوميتەتىنەن قارجى مينيسترلىگى قارجى مونيتورينگى كوميتەتىنىڭ ەكونوميكالىق تەرگەۋ قىزمەتىنە بەرۋ, سونداي-اق شاعىن جانە ورتا بيزنەس سۋبەكتىلەرىنە سالىقتىق راقىمشىلىق جاساۋ شاراسىن وتكىزۋ كوزدەلىپ وتىر.
زاڭ جوباسىن قابىلداۋ تۇرعىنداردى ۇزدىكسىز الەۋمەتتىك قامتاماسىز ەتۋ مەن ولارعا مەملەكەتتىك قىزمەت كورسەتۋگە جاعداي جاساۋعا, شىمكەنت قالاسى مەن تۇركىستان وبلىسى بويىنشا مەملەكەتتىك ورگانداردىڭ ۇيلەسىمدى ءوزارا ءىس-قيمىلىن قامتاماسىز ەتۋگە مۇمكىندىك بەرەدى.
قۇجاتتار پالاتا قاراۋىنا ۇسىنىلدى.
