وتانسۇيگىشتىكتى, جاۋىنگەرلىك رۋحتى تاربيەلەۋ ماقساتىندا مەكتەپتە ارنايى جاۋىنگەرلىك ەڭبەك داڭقى مۋزەيى دە جاساقتالعان. جۋىردا وسى مۋزەيگە اسكەري اۋە كۇشتەرى ءبولىمىنىڭ يدەولوگيا جانە ارنايى ناسيحات بويىنشا اعا وفيتسەرى دارحان قۇسايىنوۆ مي-26 تىكۇشاق-ترەناجەرىن اكەلگەن-ءدى.
بالالاردىڭ تاڭدانىسىن, قىزىعۋشىلىعىن تۋعىزعان تىكۇشاقپەن تانىسۋ ءۇشىن ارنايى ساعات ۇيىمداستىرىلىپ, مەكتەپكە كەلگەن اسكەري ۇشقىشتار اسلان راحىمباەۆ جانە ماعجان ەرجانوۆ اسكەري تەحنيكالار, ۇشاقتار مەن تىكۇشاقتار تۋرالى, اۋەدە وقىس قيمىلدارعا دايىندىق, ۇشقىش بولۋ ءۇشىن قانداي ەرىك-جىگەر, تالاپتاردىڭ قاجەت ەكەندىگى جايىندا ءوز تاجىريبەلەرىمەن ءبولىستى. مەكتەپ ديرەكتورى ايدا حاسەنوۆا وسىنداي ەرەكشە ساباق ۇيىمداستىرۋعا ىقپال ەتكەن اۋە قورعانىس كۇشتەرى اۆيابازاسىنىڭ كومانديرى نۇرلان بايدۋللاەۆ پەن دارحان قۇسايىنوۆقا بالالاردىڭ اتىنان زور العىس ءبىلدىرىپ, مەكتەپتەردە اسكەري ساباقتاردىڭ ءجيى ءوتۋى بالالاردىڭ بويىندا وتانسۇيگىشتىكتى دارىتۋعا, ەرىك-جىگەردى شىڭداۋعا, ەرجۇرەك پەن باتىلدىققا تاربيەلەۋگە مۇمكىندىك بەرەتىندىگىمەن قاتار ومىردە كەزدەسەتىن قيىندىقتارعا مويىماۋ, جاۋاپكەرشىلىكتى بولۋعا شاقىرادى دەپ اتاپ ءوتتى.
ەلۆيرا سەرىكقىزى,
«ەگەمەن قازاقستان»
الماتى
