وبلىس اكىمىنىڭ قاتىسۋىمەن وتكەن وتىرىستا جاۋاپتى مەكەمەلەر جاسالعان جۇمىستار جايىن باياندادى.
- جىلىتۋ ماۋسىمى وڭىردە تۇراقتى وتۋدە. بارلىق 1166 الەۋمەتتىك نىسان مەن 763 كوپقاباتتى تۇرعىنۇيگە جىلۋ بەرىلىپ, ءتيىستى مەكەمەلەردىڭ جۇمىسى – «قىزىلوردا جەو» مكك, «كرەك» اق, «قازترانسگاز ايماق» جانە «قىزىلوردا سۋ جۇيەسى» شتاتتىق رەجيمدە جۇمىس ىستەپ تۇر, - دەدى وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى م.ۋساين.
ال, قىزىلوردا وبلىسى توتەنشە جاعدايلار دەپارتامەنتىنىڭ باستىعى ومار بەرجانوۆ «مەرەكە كۇندەرى مادەني-كوپشىلىك ءىس-شارالار وتەتىن وبلىستاعى 408 الەۋمەتتىك نىسانعا ءىس-شارالار جوسپارىنا سايكەس قاۋىپسىزدىك شارالارىن قامتاماسىز ەتۋ بويىنشا تەكسەرۋ جۇرگىزىلدى. توتەنشە جاعدايلاردىڭ الدىن الۋ بويىنشا وبلىستىق كوميسسيا ەۆاكۋاتسيالىق كوشىرۋ جولدارىنىڭ جاعدايىن, العاشقى ءورت ءسوندىرۋ قۇرالدارىنىڭ جۇمىسقا جارامدىلىعىن تەكسەردى, قاۋىپسىزدىك شارالارى تۋرالى حالىقتى الدىن الا اقپاراتتاندىردى جانە مەكەمەلەر مەن ۇيىمداردىڭ قىزمەتكەرلەرىنە نۇسقاۋ بەرىپ, ءىس - شارالار وتكىزىلەتىن ورىنداردا جەدەل توپتار قۇرىلىپ, كەزەكشىلىكتەر ۇيىمداستىرىلادى», دەدى.
وتىرىستى قورتىندىلاعان وبلىس اكىمى كوميسسيا مۇشەلەرىنە جاڭا جىلدىق ءىس-شارالاردى قاۋىپسىز وتكىزۋگە ءجۇز پايىز دايىندىقتى قامتاماسىز ەتۋدى تاپسىردى.
باقتيار تايجان,
«ەگەمەن قازاقستان»
قىزىلوردا وبلىسى
