كيبەرسپورت – بەينەويىندار نەگىزىنەن قۇرالعان كوماندالىق نەمەسە جەكەلەگەن سايىستار. ونى «كومپيۋتەرلىك» نەمەسە «ەلەكتروندى سپورت ءتۇرى» دەپ تە اتايدى. كيبەرسپورتتى ءبىرىنشى بولىپ رەسمي تۇردە رەسەي فەدەراتسياسى مويىندادى. ال قازاقستاندا كيبەرسپورت فەدەراتسياسى 2018 جىلدىڭ 1 ماۋسىمىندا تىركەلسە, سول جىلدىڭ 25 شىلدەسىندە ول ەلىمىزدە رەسمي سپورت ءتۇرى رەتىندە مويىندالدى.
– كيبەرسپورت سەگىز سايىستىق جاتتىعۋلاردان تۇرادى. ولار ءبىر-بىرىنە مۇلدەم ۇقسامايدى. ءبىز الماتىدا «StarCraft 2» ستراتەگياسى بويىنشا جارىس وتكىزدىك. بۇل سايىستار شاحماتقا قاتتى ۇقساس. ول جەردە جاس ەرەكشەلىگىنە شەكتەۋ قويىلمايدى. 10 جاستاعى بالا دا, ەگدە تارتقان ادامدار دا وسى ويىندى ويناي الادى. قازىرگى كەزدە ءبىز جاسوسپىرىمدەر ليگاسى, كيبەرسپورتتىق اكادەميا جəنە ۇزدىكسىز تۋرنيرلەر سەكىلدى بىرنەشە جوبانى قولعا الىپ جاتىرمىز, – دەيدى قازاقستاننىڭ كيبەرسپورت فەدەراتسياسىنىڭ ۆيتسە-پرەزيدەنتى ەۆگەني بوگاتىرەۆ.
«StarCraft 2»-دەن ورتالىق ازيانىڭ اشىق ءتۋرنيرىنىڭ جەڭىمپازى اتاعىن Əدىلەت "Lightweight" ساتىبالدين ولجالادى. ول 1 200 000 تەڭگەگە يەلىك ەتتى. ەكىنشى ورىندا - ۆلاديمير "Upakovka" دەركۋلسكي. وعان 500 000 تەڭگە سىياقى بەرىلدى. ءۇشىنشى ورىندى ەنشىلەگەن المات "Replicant" تولەۋعاليەۆ 200 000 تەڭگەنى قالتاعا باسسا, ءتورتىنشى ساتىعا تابان تىرەگەن انتون "AntonyZerg" رۋدكە 100 000 تەڭگە بۇيىردى.
عالىم سۇلەيمەن,
«ەگەمەن قازاقستان»
الماتى
