بۇرىنعى عيمارات ابدەن ەسىرگەندىكتەن, اۋىل تۇرعىندارى بۇل كۇندى اسىعا توستى. اسىرەسە, وسى سالادا فەلدشەر بولىپ 38 جىل ەڭبەك ەتكەن تالعات سايتوۆتىڭ قۋانىشىندا شەك بولمادى. زەينەتكە شىقسا دا ەڭبەك ەتىپ ءجۇر.
سۋ جاڭا مەديتسينالىق مەكەمەدە 3 مەدبيكە قىزمەت ەتەدى. ەلدى مەكەندە 860 ادام تۇرادى. ولاردىڭ 148-ءى مەكتەپ وقۋشىلارى بولسا, 10-ى– جۇكتى ايەلدەر, 176-ى– زەينەتكەرلەر . ديسپانسەرلىك ەسەپكە 232 ادام الىنعان. 169 ادام جۇرەك- قان تامىرلارى اۋرۋىنا شالدىققان.
جەكە ينۆەستور عيماراتتىڭ قۇرىلىسىنا 22 ملن تەڭگە, ىشكى جابدىقتالۋىنا بيۋدجەتتەن 2 ميلليون تەڭگە بولىنگەن.
«وڭىردە 520 مەديتسينالىق پۋنكت بار. قازىر بارلىق ەلدى مەكەندەر تولىق قامتاماسىز ەتىلگەن. بىراق كوبىسى ەسكى عيماراتتاردا نەمەسە مەكتەپتىڭ ىشىندە ورنالاسقان. كەلەسى جىلى كەم دەگەندە 30 شاقتى فاپ پەن مەديتسينالىق ورتالىق اشۋ كوزدەلىپ وتىر», دەيدى دەنساۋلىق ساقتاۋ باسقارماسىنىڭ باسشىسى تيمۋر سۇلتانعازيەۆ.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
