وعان ايماق باسشىسى قۇمار اقساقالوۆ, ىشكى ىستەر مينيسترلىگى اكىمشىلىك پوليتسيا كوميتەتىنىڭ توراعاسى, پوليتسيا گەنەرال-مايورى يگور لەپەحا, كريمينالدىق پوليتسيا دەپارتامەنتىنىڭ باستىعى, پوليتسيا گەنەرال-مايورى ارمانبەك بايمۋرزين, عىلىم قايراتكەرلەرى مارات قوعاموۆ, ايدارحان سقاقوۆ, وبلىس قۇقىق قورعاۋ ورگاندارىنىڭ باسشىلارى مەن جۇرتشىلىق قاتىستى.
وتىرىستى ق. اقساقالوۆ كىرىسپە سوزبەن اشىپ, ەكى ەل پوليتسەيلەرىنىڭ تىعىز قارىم-قاتىناسى ءوز تيىمدىلىگىن بەرىپ كەلە جاتقانىن اتاپ ءوتتى. قىلمىسقا قارسى كۇرەس سالاسىندا سەرىكتەستىك قاتىناستاردى نىعايتۋعا قوسقان ۇلەسى ءۇشىن پوليتسيا گەنەرال-مايورى ولەگ يلينىحقا, يۋري التىنوۆ پەن لەونيد كولوميەتسكە قۇرمەت گراموتالارىن تابىس ەتتى.
سولتۇستىك قازاقستان پوليتسيا دەپارتامەنتىنىڭ باستىعى, پوليتسيا گەنەرال-مايورى بەرىك ءبىلالوۆ اتاپ وتكەندەي ءوڭىر اۋماعىندا حالىقارالىق ىزدەۋدە جۇرگەن 24 قىلمىسكەر ۇستالعان.
وتىرىس بارىسىندا 2019 جىلعا ارنالعان قىلمىسقا قارسى ءىس-قيمىل, قوعامدىق ءتارتىپتى ساقتاۋ, ازاماتتاردىڭ قاۋىپسىزدىگىن قامتاماسىز ەتۋ بىرلەسكەن ءىس-قيمىل جوسپارى قابىلداندى. ءوزارا تاجىريبە الماسۋ باعىتىندا وقىتۋ سەمينارلارى وتكىزىلەتىن بولدى.
ءىس-شارا سوڭىندا قر ءىىم جانىنداعى قوعامدىق كەڭەستىڭ توراعاسى, بەلگىلى زاڭگەر-عالىم مارات قوعاموۆ سقو پد جانىنداعى كونسۋلتاتيۆتىك-كەڭەسشى ورگاننىڭ مۇشەلەرىنە ىشكى ىستەر مينيسترلىگىنىڭ گراموتالارى مەن العىس حاتتارىن تابىستادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
