شىمكەنتتىڭ ەلىمىزدىڭ ءۇشىنشى ميلليوندى قالاسى اتانۋىنا وراي تۇڭعىش رەت وتكەن رەسپۋبليكالىق تۋرنيرگە استانا, الماتى, شىمكەنت پەن جامبىل, تۇركىستان, قىزىلوردا, باتىس قازاقستان وبلىستارىنىڭ جۋرناليستەرىنەن قۇرالعان 13 كوماندا قاتىستى.
ەل تاۋەلسىزدىگىنىڭ 27 جىلدىعىنا وراي باق وكىلدەرى اراسىندا جالاۋىن كوتەرگەن فۋتبول الامانىنا 2 ميلليون تەڭگەگە جۋىق قارجىلاي جۇلدە قويىلدى.
3 توپقا بولىنگەن 13 كوماندا اراسىنان كىل مىقتىلار ىرىكتەلىپ شىعىپ, جارتىلاي فينالىندا الماتىلىق «الامان» جəنە «اپورت» كوماندالارى كەزدەستى. ناتيجەسىندە 3-1 ەسەبىمەن «الامان» كومانداسى جەڭىسكە جەتتى.
ال, ەكىنشى جارتىلاي فينالدىق كەزدەسۋدە قىزىلوردادان كەلگەن «اقمەشىت» جانە «حابار» تەلەارناسىنىڭ استانا كومانداسى كەزدەسىپ, 1-5 ەسەبىمەن «حابارلىقتار» باسىم ءتۇستى.
فينالدا «الامان» جانە «حابار استانا» كوماندالارى كىم مىقتىنى انىقتادى. اسا تارتىستى وتكەن كەزدەسۋ 0:1 ەسەبىمەن «حابار استانا» كومانداسىنىڭ پايداسىنا شەشىلدى.
سونىمەن, «حابار استانا» كومانداسى شاعىن فۋتبولدان باق وكىلدەرى اراسىندا شىمكەنت قالاسى اكىمىنىڭ كۋبوگى ءۇشىن وتكەن رەسپۋبليكالىق تۋرنيردە جەڭىسكە جەتىپ, 1 ميلليون تەڭگەنىڭ جۇلدەسىن ۇتىپ الدى. جارىس جەڭىمپازدارىن شىمكەنت قالاسى ىشكى ساياسات جانە ءدىن ىستەرى باسقارماسىنىڭ باسشىسى مۇرات بازارقۇلوۆ ماراپاتتادى.
«شىمكەنت اقپارات» جشس ديرەكتورى, «شىمكەنت كەلبەتى - پانوراما شىمكەنتا» گازەتتەرىنىڭ باس رەداكتورى ايگۇل قاپباروۆا جەكەلەگەن فۋتبولشىلاردى ارنايى نوميناتسيالارمەن ماراپاتتادى. ولار:
ۇزدىك شابۋىلشى - بەرىك ءۋالي (جامبىل وبلىسى);
ۇزدىك ويىنشى - ولجاس كۋلتەشوۆ (الماتى وبلىسى, «سپورت 59» كومانداسى);
ۇزدىك قورعاۋشى - ەسەنجول ەلەكەنوۆ (ورال قالاسى);
ۇزدىك قاقپاشى – الماس ماناپ («ەگەمەن قازاقستان» گازەتى). نوميناتسيا يەلەرىنە 25 مىڭنان قارجىلاي جۇلدە بەرىلدى.
نۇرشات توكەن,
«ەگەمەن قازاقستان»
