شىمىرلىققا باۋليتىن الاڭنىڭ اشىلۋى «مەنىڭ ەلىم» الەۋمەتتىك ينۆەستيتسيالار باعدارلاماسى بويىنشا «مامۇرىق-قازىنا» اق كومپانيالار توبى كومەگىمەن جۇزەگە اسىپ وتىر.
سالاۋاتتى ءومىر سالتىن قالىپتاستىرۋ ەلىمىزدى, سونىڭ ىشىندە ءبىزدىڭ قالادا دا كەڭ وركەن جايۋدا.
الاڭنىڭ اشىلۋ راسىمىندە ءسوز سويلەگەن قالا باسشىسى ەلباسىمىز ن.ءا.نازارباەۆتىڭ العا قويىپ وتىرعان جوسپارلارىن جۇزەگە اسىرۋدىڭ ماڭىزىنا توقتالىپ ءوتتى. ءبىزدىڭ قالادا بۇقارالىق سپورتپەن شۇعىلدانۋشىلار قاتارى ارتىپ, ول 33,5 پايىزعا جەتىپ وتىر. 10 مىڭنان استام جاستار مەن جاسوسپىرىمدەر سپورتپەن دوستاسا تۇسۋدە.
الاڭدا فۋتبول, حوككەي, ءتۇرلى جاتتىعۋلار سىندى سپورت تۇرلەرىمەن اينالىسۋعا مۇمكىندىكتەر جاراتىلعان. №4 گم اۋماعىندا ورنالاسقان الاڭدا جىلدىڭ ءتورت ماۋسىمىندا دا شىمىرلىققا باۋلۋ قولعا الىنادى. 1280 شارشى مەتر اۋماقتى الىپ جاتقان الاڭ وتە ىڭعايلى.
ءان قالىقتاپ, شاشۋ شاشىلدى. بالالار مەن سپورتشىلار سپورت الاڭىندا جاتتىعا باستادى. مۇنىڭ ءوزى سالاۋاتتى ءومىر سالتىن قالىپتاستىرۋعا سەپتىگىن تيگىزەرى ءسوزسىز. جينالعان جۇرتتى «سامۇرىق-قازىنا» اق وكىلى ءامىرحان قاينازاروۆ تا قۇتتىقتادى.
پولاتبەك جانباەۆ,
اقمولا وبلىسىنىڭ ستەپنوگورسك قالاسى
