پالاتا سپيكەرى ەلشى مىرزانىڭ قازاقستاندىق-جاپوندىق قارىم-قاتىناستى, سونىڭ ىشىندە, پارلامەنتارالىق بايلانىستى نىعايتۋعا زور ۇلەس قوسقانىن اتاپ ءوتتى.
قازاقستان پرەزيدەنتى نۇرسۇلتان نازارباەۆتىڭ جاپونيانى ماڭىزدى ستراتەگيالىق ارىپتەس رەتىندە باعالايتىنىن العا تارتقان ءماجىلىس توراعاسى استانا مەن توكيو اراسىنداعى ءداستۇرلى دوستىق قاتىناس بۇگىندە ءوزارا ءتيىمدى ارىپتەستىك جانە ىنتىماقتاستىق نەگىزىندە جوعارى دەڭگەيدە دامىپ كەلە جاتقانىن اتاپ ءوتتى.
وسى رەتتە تاراپتار ءبىزدىڭ ەلدەرىمىز باسشىلارىنىڭ تۇراقتى كەزدەسۋلەرىنە نازار اۋدارىپ, قازاقستان پرەزيدەنتى نۇرسۇلتان نازارباەۆتىڭ جانە جاپونيا پرەمەر-ءمينيسترى سيندزو ابەنىڭ ءوزارا ءىس-ساپارلارى ەكىجاقتى قاتىناستى دامىتۋعا جاڭا سەرپىن بەرە وتىرىپ, ونى كەڭەيتىلگەن ستراتەگيالىق ارىپتەستىك دەڭگەيىنە جەتكىزگەنىنە توقتالدى.
ءوز كەزەگىندە ي. كاۆاباتا ەلشىلىك قىزمەتىن قازاقستان ءۇشىن ماڭىزدى, تاريحي كەزەڭدەردە تابىستى اتقارعانىن ايتا كەلىپ, قازاقستاننىڭ دامۋ قارقىنىنا جوعارى باعا بەرىپ, بىرلىگى جاراسقان حالىقتىڭ ىنتىماعىنا ريزاشىلىق سەزىمىن ءبىلدىردى.
