سپورتتىق كەشەندە امبەباپ, كۇرەس جانە جاتتىعۋ زالدارى بار. ولاردىڭ ەدەنىنە بۇرىنعىداي اعاش تاقتاي ەمەس, ەكولوگيالىق تازا جانە ءتوزىمدى ماتەريال توسەلگەن. جانكۇيەرلەرگە ارنالعان تريبۋناعا 160 ادام ەركىن سىيادى. جاڭا نىساندا ۆولەيبول, باسكەتبول, فۋتبول, ۇستەل تەننيسى, قازاق كۇرەسى, دزيۋدو جانە توعىزقۇمالاق ۇيىرمەلەرى جۇمىس ىستەيتىن بولادى. ال كەشەننىڭ اۋلاسىنا ءۇش سپورت الاڭقايى مەن تەننيس كورتى سالىنعان.
س.سەيفۋللين اتىنداعى اۋىلدا (بۇرىنعى جارىق ستانساسى) بوي كوتەرگەن دەنە شىنىقتىرۋ-ساۋىقتىرۋ كەشەنىنىڭ اشىلۋ سالتاناتىنا شەت اۋدانىنىڭ اكىمى مارات جانداۋلەتوۆ, قاراعاندى وبلىستىق دەنە شىنىقتىرۋ جانە سپورت باسقارماسىنىڭ باسشىسى دميتري كارپوۆ, وبلىستىق دزيۋدو فەدەراتسياسىنىڭ پرەزيدەنتى ەۆگەني كوندراتەۆ قاتىسىپ, جيىلعان قاۋىمعا قۇتتىقتاۋ ءسوز ارنادى. ال سامبودان الەم چەمپيونى بەيىمبەت قانجانوۆ جەرلەستەرىنە جۇلدەلەرىنىڭ ءبىرىن ەسكەرتكىش سىيلىق رەتىندە تابىس ەتتى.
قايرات ءابىلدا,
«ەگەمەن قازاقستان»
قاراعاندى
