ءموبيلدى قوسىمشانى «AFEW Kazakhstan» قوعامدىق قورى حالىقارالىق دامۋ جونىندەگى اقش اگەنتتىگىنىڭ (USAID) كومەگىمەن ايتۆ-عا قارسى ءىس-قيمىل جوباسى شەڭبەرىندە جاسالدى. POZ.INFO قوسىمشاسىندا ءدارى-دارمەكتەر جانە پاتسيەنتتى ەمدەۋدىڭ جەكە سحەماسى تۋرالى اقپاراتتى, ارۆ قابىلداۋ ۋاقىتىن ەسكە تۇسىرەتىن وياتقىش, ءاوا جانە فورۋمعا قارىم-قاتىناس ءۇشىن كومەكتەسەتىن مەملەكەتتىك جانە ۇكىمەتتىك ەمەس ۇيىمداردىڭ بايلانىستارى بار.
– قوسىمشانى ورناتۋ وڭاي, وندا دارىگەر تاعايىنداعان پرەپاراتتاردى تاڭداۋ, كۇنىن, تابلەتكالار مەن قابىلداۋلاردىڭ سانىن كورسەتۋ, قابىلداۋ ۋاقىتىن ورناتۋ جانە ۇسىنىلعان نۇسقالاردان ەسكەرتۋ ءماتىنىن تاڭداۋ,ا بولادى. سونىمەن قاتار, قوسىمشادا «ايتۆ-ينفەكتسياسى», «يممۋندىق جۇيە», «ۆيرۋستىق جۇكتەمە» جانە «CD4-ليمفوتسيتتەر» ۇعىمدارى تۋرالى اقپارات تابۋعا بولادى», – دەدى «AFEW Kazakhstan» اتقارۋشى ديرەكتورى رومان دۋدنيك.
– دەنساۋلىق ساقتاۋ جۇيەسىن تسيفرلاندىرۋ – ۋاقىت تالابى. وسى ءاوا-عا ارنالعان ءموبيلدى قوسىمشا قولدانۋ وڭاي ءارى ارزان. ءبىزدىڭ ناۋقاستار ونىڭ وسى جاقتارىن باعالاپ, وسى تەحنيكالىق جاڭالىقتى قۋانا قولدانادى, – دەيدى الماتى قالالىق جيتس-ءتىڭ الدىن الۋ جانە وعان قارسى كۇرەس ورتالىعىنىڭ باس دارىگەرىنىڭ ورىنباسارى الفيا دەنەباەۆا.
POZ.INFO قوسىمشاسى تەگىن, جاسىرىن, تىركەۋدى تالاپ ەتپەيدى جانە دەربەس دەرەكتەردى ساقتامايدى. ول Play Market جانە Appstore-دا Android جانە iOS پلاتفورمالارىندا قولجەتىمدى. قوسىمشا الماتى قالالىق جيتس ورتالىعى بازاسىندا ايتۆ-مەن ءومىر سۇرەتىن جاندار اراسىندا ءساتتى سىناقتان ءوتتى.
ايناش ەسالي,
«ەگەمەن قازاقستان».
الماتى
