جالپى, بەلوۆود توپتىق سۋ قۇبىرىنىڭ قۇرىلىسى 1970 جىلى باستالىپ 1979 جىلى ىسكە قوسىلدى. ال, قالپىنا كەلتىرۋ جۇمىسى ەلىمىزدە قابىلدانعان «اۋىز سۋ» باعدارلاماسى اياسىندا وبلىستاعى «بەلوۆود جانە ماي توپتىق سۋ قۇبىرلارىن قايتا قۇرۋ» تۋرالى ينۆەستيتسيالىق جوبالاردى ىسكە اسىرۋعا ارنالدى. بىراق, مەردىگەرلەردىڭ كەسىرىنەن جوبالار جول ورتادا قالا بەردى. وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ مالىمەتىنشە العاشقى كەزدەرى بەلوۆود توپتىق سۋ قۇبىرى جوباسىنا جاۋاپتى «وSت-پروەكت جشس», مەردىگەر – استانالىق سپ «سپەتسپلاستۆودستروي» جشس بولىپ بەكىتىلىپتى.
قۇرىلىستىڭ جالپى قۇنى مەردىگەرلىك كەلىسىم شارتى بويىنشا 5,7 ملرد. تەڭگە. ۇزىندىعى 388,4 شاقىرىم بولاتىن سۋ قۇبىرى بۇكىل ەرتىس اۋدانىن قامتيدى. 2013 جىلى اۋىل شارۋاشىلىعى مينيسترلىگىنە قاراستى «سۋ رەسۋرستارى جونىندەگى» كوميتەتتىڭ شەشىمىمەن جوبانى قارجىلاندىرۋ توقتاتىلىپتى. كوميتەت «قازاق سۋ شارۋاشىلىعى» مەكەمەسىمەن جاڭا كەلىسىمشارتقا وتىرادى. وسىدان سوڭ, سۋ قۇبىرىنىڭ 1-ءشى كەزەڭى ىسكە قوسىلادى. اۋدانداعى 14 اۋىلعا قۇبىر ارقىلى سۋ بارادى.
سۋ قۇبىرى تارتىلعان اۋىلدارعا جەرگىلىكتى اكىمدىكتەر ەندى جوبا جاساپ, قۇجاتتامالار دايىنداۋى قاجەت. سۋ تاراتۋشى توراپتار جاسالىپ توپتىق سۋ قۇبىرىنىڭ ماگيسترالدى جۇيەلەرىنە قوسىلۋى كەرەك-ءتىن. وسى بارلىق جۇمىس اياقتالعان كەزدە بارىپ قانا, اۋىلداردىڭ سۋمەن قامتامسىز ەتىلۋىن «سۋ شارۋاشىلىعى» كوميتەتى ءوز قاراۋلارىنا بالانستارىنا ال الادى.
ال, جاڭا جوبا بويىنشا اۋىلدارعا بەرىلەتىن تازا اۋىز سۋدىڭ وزىندىك قۇنى قىمبات: تاريف 381 تەڭگە كولەمىندە بەكىتىلگەن. بۇل وبلىس ورتالىعىنداعى تاريفتەن 10 ەسە كوپ. اۋىلداردىڭ الەۋمەتتىك-ەكونوميكالىق جاعدايىنا كەلەتىن بولساق, بۇل وتە ءتيىمسىز. جاڭا ەرەجە بويىنشا قۇبىرمەن كەلگەن سۋ اۋىلداعى ءار ۇيگە تارتىلىپ, سۋ شىعىنىن ەسەپتەيتىن قوندىرعىلار قويىلۋى ءتيىس.
تۇرعىندار ۇيلەرىنە سۋ جەتكىزەتىن توراپتار تارتۋ جايىن جەرگىلىكتى بيلىك وكىلدەرىنەن كۇتۋدە. قىستىڭ ايازىندا, بوراندى كۇنىندە قۇبىرمەن كەلىپ سارقىراپ اعىپ تۇرعان سۋدى تاسۋ وڭاي ەمەس.
ال, اۋدان اكىمى سەرىك باتىرقوجينوۆتىڭ ايتۋىنشا, بيىل 5 اۋىل عانا بەلوۆود توپتىق سۋ قۇبىرىنا قوسىلعان. جەرگىلىكتى تۇرعىندار سۋ قۇبىرى ارقىلى كەلەتىن اۋىز سۋدىڭ باعاسى قىمبات ەكەنىن ايتىپ, ونى تولەۋدەن باس تارتقان ەدى.
- وكىنىشكە قاراي, بەلوۆود توپتىق سۋ قۇبىرى سۋبسيديا الۋشىلاردىڭ مەملەكەتتىك رەەسترىنە كىرمەي قالدى. سونىڭ سالدارىنان ونىڭ قىزمەتىنىڭ قۇنى جوعارىلاي ءتۇستى. ستراتەگيالىق نىساننىڭ دا جۇمىسى توقتاتىلدى. بۇرىنعى كاسىپورىندى ىسكە قوستىق. قازىر تۇرعىندارعا سۋدى ەرتىس وزەنىنەن تازارتۋدان وتكىزىپ بەرىپ وتىرمىز, - دەيدى س.باتىرعوجينوۆ.
ءسويتىپ,سۋبسيديا ماسەلەسى شەشىلمەيىنشە, 12 مىڭنان استام اۋىل تۇرعىندارى وزەننەن, اۋلا قۇدىقتارىنان سۋ ىشەدى. تولىق بىتپەگەن بەلوۆود سۋ قۇبىرى جوباسىنىڭ ەكىنشى كەزەڭى دە بار.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن ۆالەري بۋگاەۆ
