رۋحاني مادەني شارانىڭ دوستىق ءۇيى «قوعامدىك كەلىسىم» ورتالىعى جەرگىلىكتى اسسامبلەيامەن بىرلەسىپ ۇيىمداستىردى.
فەستيۆالعا ەلىمىزدەگى پولشا ەلشىلىگىنىڭ ۆيتسە-كونسۋلى نوربەرت رافاليك, مولدوۆا ۇلتتىق كاسىپوداقتار كونفەدەراتسياسىنىڭ وكىلى ەلەنا كاركيلان كەلدى.
- بۇل كۇندەرى ەلىمىزدەگى اسسامبلەيانىڭ ءمان-ماڭىزى زور. ءبىزدىڭ قالادا وزگە ۇلت وكىلدەرىنىڭ قازاق تىلىندە ءان سالاتىن پاتريوتتىق اندەر فەستيۆالى وتۋدە. وتانشىل قازاقستاندىق جاستار ەرجەتتى. جاستار اراسىندا وتانسۇيگىشتىك پەن ەلگە, مەملەكەتتىڭ تىلىنە دەگەن قۇرمەتكە تاربيەلەيتىن وسىنداي رۋحاني ءىس-شارالار, -دەيدى جەرگىلىكتى اسسامبلەيا توراعاسى سەيسەنباي جەتپىسباەۆ.
كونتسەرتتىك باعدارلامانى «كاردەس» گرەك ۆوكالدىق توبىنىڭ «ەلگە سالەم» اتتى انىمەن اشىلدى.
ءىس-شاراعا بارلىعى 18 ەتنو ۆوكالدىق ۇجىمدار قاتىستى. ولاردىڭ قاتارىندا «نارتسيز», «ميراس» , «ياريلو» , «سپەرانتسە» , «ەرەبۋني», «يوشليك», «Wir» , «يللي» , «ليلەيا» ,«كىمپيتسوري» ,«تۋعان جەر» ,«ودلار يۋردۋ» ,«تەبەردا» سياقتى ءتۇرلى ەتنو مادەني بىرلەستىكەر ۇجىمدار مەملەكەتتىك تىلدە تۋعان جەر, اۋىلعا, دوستىق, استانا, تاۋەلسىزدىككە ارنالعان اندەردى, سارىارقا اۋەندەرىن شىرقادى.
فەستيۆال سوڭىندا بارلىق قاتىسۋشىلار ديپلومدارمەن جانە ەستەلىك سىيلىقتارمەن ماراپاتتالدى.
فاريدا بىقاي,
«ەگەمەن قازاقستان»
پاۆلودار
سۋرەتتى تۇسىرگەن: ماقسات ايتباي
