نەگىزى 1994 جىلى قالانعان «زاڭ» مەديا-كورپوراتسياسى» جشس ەلىمىزدەگى قۇقىقتىق سالاعا ارنالعان رەسپۋبليكالىق «زاڭ گازەتى» جانە «يۋريديچەسكي گازەتا» باسىلىمدارى جانە ەكى تىلدە «زاڭ» جانە «فەميدا» عىلىمي جۋرنالدارىن جارىققا شىعارىپ كەلەدى.
قازاق پروزاسىنىڭ كەنجەلەپ قالعان جانرىنا وقىرماندار نارزارىن اۋدارۋدى ماقسات ەتە وتىرىپ الماتى قالالىق سوتىنىڭ قولداۋىمەن «زاڭ» مەديا-كورپوراتسياسى» جشس-ءى وسى يگى شارانى ۇيىمداستىرعان-دى.
ۇيىمداستىرۋشىلاردىڭ ايتۋىنشا, بايقاۋعا ەلىمىزدىڭ تۇكپىر-تۇكپىرىنەن 70-تەن استام ۇمىتكەر شىعارمالارى جولداعان. بايقاۋدىڭ جۇلدە قورى 1 000 000 تەڭگە.
بايقاۋعا اقىن, پۋبليتسيست, «اقيقات» ۇلتتىق قوعامدىق-ساياسي جۋرنالىنىڭ باس رەداكتورى امانحان ءالىم, «زاڭ گازەتىندە» ۇزاق جىل جۇمىس ىستەپ, قۇقىق تاقىرىبىنا قالام تەربەپ, دەتەكتيۆ جانرىنداعى شىعارمالارىن جيناق ەتىپ جاريالاعان بەلگىلى جۋرناليست ەلەۋسىز مۇرات جانە اقىن, جۋرناليست-جازۋشى سەرىك سارىباەۆ قازىلىق جاسادى.
بايقاۋ ناتيجەسىندە جۇلدەلى ءىىى ورىن اسەم جۇماحان, ەركەعالي بەيسەنوۆ جانە قۋاندىق شاماحاي سىندى اۆتورلارعا بۇيىرسا, ءىى ورىندى /200 000 تەڭگە/ جانار جاناپيانوۆا ەنشىلەسە, ءى ورىنعا /500 000 تەڭگە/ بەلگىلى جۋرناليست, جاس دراماتۋرگ, «قازاق ادەبيەتى» گازەتىنىڭ قىزمەتكەرى الىبەك بايبولدىڭ «ميلليون» اتتى شىعارماسى لايىق دەپ تانىلدى. بايقاۋعا قاتىسقان 5 ۇمىتكەرگە ىنتالاندىرۋ سىيلىقتارى ۇلەستىرىلدى.
ەلۆيرا سەرىكقىزى,
«ەگەمەن قازاقستان»
الماتى
