شاراعا «شاپاعات» دەسترۋكتيۆتىك ءدىني اعىمداردان جاپا شەككەندەرگە كومەك كورسەتۋ ورتالىعىنىڭ تەولوگى سۇلتانگەلدى ساريەۆ, اتىراۋ كولىك پروكۋراتۋراسىنىڭ پروكۋرورى, كىشى ادىلەت كەڭەسشىسى ەربولات راحمانوۆ, اتىراۋ ستانتسياسى جەلىلىك پوليتسيا ءبولىمى كريمينالدىق پوليتسيا بولىمشەسىنىڭ اعا جەدەل ۋاكىلى, پوليتسيا مايورى سايفوللا قۇلشيەۆ قاتىستى.
«دەسترۋكتيۆتىك ءدىني اعىمداردىڭ الدىن الۋ» تاقىرىبىندا وتكەن كەزدەسۋدە الدىمەن تەولوگتىڭ ءدارىسى تىڭدالدى, شاراعا قاتىسقان جولسەرىكتەر تاقىرىپ اياسىندا تولعاندىرىپ جۇرگەن ساۋالدارىن قويدى.
دارىستە تەولوگ سۇلتانگەلدى ساريەۆ ۋاھھابيلىك-سالافيلىك اعىمنىڭ شىعۋ تاريحى جانە ونىڭ تۇرلەرى مەن ەرەكشەلىكتەرى تۋرالى دايىندالعان ارنايى سلايد ارقىلى سالافيتتەردەن ءبولىنىپ شىققان مادحاليتتەر, سۋرۋريتتەر, تاكفىرشىلەر جانە حادداديالار تۋرالى تۇسىنىك بەردى. ءداستۇرلى حانافي مازحابى جانە دەسترۋكتيۆتى ءدىني اعىم وكىلدەرىنىڭ ناماز وقۋ ۇلگىسى, ءداستۇرلى باعىتتاعى ۋاعىزشىلاردى, ۇلتتىق قۇندىلىقتاردى ناسيحاتتايتىن ءدىني ادەبيەتتەر ءتىزىمى كورسەتىلدى.
- جولسەرىكتەر ۇنەمى حالىقپەن تىعىز بايلانىستا جۇمىس ىستەيتىندىكتەن, ءدىني ساۋاتتى بولۋى ءتيىس, - دەيدى اتىراۋ ستانتسياسى جەلىلىك پوليتسيا ءبولىمى كريمينالدىق پوليتسيا بولىمشەسىنىڭ اعا جەدەل ۋاكىلى, پوليتسيا مايورى سايفوللا قۇلشيەۆ. –وسىنداي شارالاردى ۇيىمداستىرۋ ارقىلى تەرىس اعىمداردىڭ زياندى تۇستارىن ءتۇسىندىرىپ, قارسى يممۋنيتەت قالىپتاستىرۋدى ماقسات ەتتىك. كەڭەيتىلگەن دارىسكە قاتىسۋشىلار تاقىرىپقا نەمقۇرايلى قاراماي, بەلسەندى ارالاستى, مۇنداي كەزدەسۋلەر العا قاراي دا جالعاسىن تابادى.
باقىتگۇل باباش,
«ەگەمەن قازاقستان»
اتىراۋ
