دەموگرافيالىق ءوسىمنىڭ جوعارىلىعىنا بايلانىستى, ءۇش اۋىسىمدىق وقىتۋدى بولدىرماۋ –باستى ماقسات. وسى باعىتتا جاڭا وقۋ جىلىندا جالپى سىيىمدىلىعى 6300 ورىندىق 9 جاڭا مەكتەپ قولدانىسقا بەرىلدى. تاعى 4 مەكتەپتىڭ (سىيىمدىلىعى 2200 ورىندىق) قۇرىلىسى 2019-2021 جىلدارى رەسپۋبليكالىق بيۋدجەتتەن قارجىلاندىرۋعا ۇسىنىلدى.
وقۋشىلار كونتينگەنتىنىڭ جىل سايىن 6 مىڭعا ارتۋىن ەسەپكە الا وتىرىپ, 2019 جىلعا تاعى 14 مەكتەپ قۇرىلىسى رەسپۋبليكالىق بيۋدجەتتەن قارجىلىندىرۋعا قوسىمشا ۇسىنىلادى.
ءوڭىر ءۇشىن وزەكتى ماسەلەنىڭ ءبىرى – ستۋدەنتتەردى جاتاقحانامەن قامتۋ. جالپى قاجەتتىلىك 1600 ورىن, ونىڭ ىشىندە 550 ورىندىق 2 جاتاقحانا تاۋەلسىزدىك مەرەكەسىنە وراي, پايدالانۋعا بەرىلەدى.
دەنساۋلىق ساقتاۋ سالاسىندا مەملەكەتتىك-جەكەمەنشىك ارىپتەستىك مەحانيزمىن كەڭىنەن قولدانۋ قولعا الىندى (مىسالى: جاڭاوزەن قالاسىنداعى گەمودياليز ورتالىعى, ماڭعىستاۋ وبلىستىق جانە بەينەۋ اۋداندىق اۋرۋحانالارىندا كومپيۋتەرلىك توموگراف ورناتۋ, دەنساۋلىق ساقتاۋ ۇيىمدارىندا ۋزي ورناتۋ). وبلىس ورتالىعىندا انا مەن بالا وڭىرلىك ورتالىعى قولدانىسقا بەرىلدى. 2012جىلدان بەرى قۇرىلىسى ۇزاققا سوزىلعان ونكولوگيالىق ورتالىقتىڭ قۇرىلىسى جەر قويناۋىن پايدالانۋشى كومپانيا قارجىسى ەسەبىنەن (NCOC – 7 ملرد.تەڭگە, مەردىگەر – ەۆروستروي) قازان ايىندا قايتادان باستالدى.
ماڭعىستاۋدا «ساندىق قازاقستان» باعدارلاماسى بويىنشا جوبالار ىسكە اسىرىلۋدا. وبلىستا ەكونوميكانىڭ بارلىق سالاسىن قامتيتىن تسيفرلاندىرۋدىڭ جول كارتاسى بەكىتىلدى. وبلىستاعى ءبىلىم جانە دەنساۋلىق ۇيىمدارىنىڭ بارلىعى كەڭ جولاقتى ينتەرنەتپەن قامتىلدى.
قوعامدىق قاۋىپسىزدىكتى قامتاماسىز ەتۋ سالاسىندا «قاۋىپسىز قالا» جوباسى اياسىندا 600 بەينەباقىلاۋ كامەرالارى ورناتىلادى. پيلوتتىق رەجيمدە اقتاۋ قالاسىندا 10 ءۇي «ە-شاڭىراق» اقپارتتىق جۇيەسىنە قوسىلدى.
اتالعان ۇيلەردە جىلۋ, سۋ, ەلەكتردىڭ ناقتى ەسەبىن جۇرگىزەتىن اۆتوماتتاندىرىلعان جۇيە ورناتىلىپ, پريبورلاردان كورسەتكىشتەر ونلاين تارتىبىندە الىنادى.
«قازاقتەلەكوم» كومپانياسىنىڭ قولداۋىمەن وبلىستىڭ بارلىق ەلدى مەكەندەرى ينتەرنەت جەلىسىمەن تولىقتاي قامتىلدى, ونىڭ جىلدامدىعىن ارتتىرىلدى. وندىرىستىك كاسىپورىندارى (مۇناي كومپانيالارى) ءوندىرۋ پروتسەسىن ارتتىرۋ جانە اۆتوماتتاندىرۋ ماقساتىندا كەن ورىندارىندا تسيفرلىق ەلەمەنتتەر ەنگىزدى. رەسپۋبليكادا وبلىسىمىز ءبىرىنشى بولىپ 1 قازاننان باستاپ تولىقتاي تسيفرلىق تەلەتاراتۋعا كوشتى.
ونەركاسىپتىك كاسىپورىندار (مۇناي كومپانيالارى) وندىرىستىك پروتسەستى اۆتوماتتاندىرۋ ماقساتىندا كەن ورىندارىندا ساندىق ەلەمەنتتەردى ەنگىزەدى.
«رۋحاني جاڭعىرۋ» باعدارلاماسى بويىنشا 2017-2018 جىلدارى قۇنى 20 ملرد.تەڭگەنىڭ 333 جوباسى ىسكە اسىرىلدى (بيۋدجەت ەسەبىنەن – 1 ملرد.تەڭگە, دەمەۋشىلەر قارجىسى – 19 ملرد. تەڭگە).
بيىل «اتامەكەن» كىشى باعدارلاماسى بويىنشا (57 ءىس-شارا, 5 ملرد.تەڭگە) – 19 مەكتەپ كومپيۋتەرلەرمەن جابدىقتالىپ, 15 سپورت الاڭدارى, 4 مەكتەپ جانىنان جىلىجايلار, تەڭىز جاعالاۋىندا «جارتاستى سوقپاق» (سكالنايا تروپا) نىسانى جانە امفيتەاتر سالىندى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
