فرانتسيا بيلىگى بۇل وقيعانى تەراكت دەپ باعالاپ وتىر. فرانتسيالىق باق وكىلدەرىنىڭ جازۋىنشا, قارۋلى شابۋىل جاساعان ازاماتتىڭ ەسىمى بەلگىلى. قازىرگى تاڭدا ىزدەستىرۋ جۇمىستارى جۇرگىزىلىپ جاتىر. وسى وقيعاعا بايلانىستى فرانتسيا پرەزيدەنتى ەممانۋەل ماكرون ەليسەي الاڭىندا ءوتۋى ءتيىس ءماجىلىستى توقتاتتى.
قازاقستان رەسپۋبليكاسى سىرتقى ىستەر مينيسترلىگى ستراسبۋرگتىڭ كوشەلەرىندە ورىن العان اتىس كەزىندە قازا تاپقاندار مەن جاراقات العانداردىڭ اراسىندا قازاقستان ازاماتتارىنىڭ بار جوقتىعىن انىقتاۋدا. فرانتسياداعى ديپلوماتتارىمىز جەرگىلىكتى قۇقىق قورعاۋ ورگاندارىمەن تىعىز بايلانىستا.
فرانتسيادا جۇرگەن ازاماتتارىمىزدىڭ ەستەرىنە سالامىز, توتەنشە جاعداي تۋىنداعان كەزدە شەتەلدەگى مەكەمەنىڭ جانە قر سىرتقى ىستەر مينيسترلىگىنىڭ سايتتارىندا كورسەتىلگەن بايلانىستار ارقىلى ەلشىلىككە دەرەۋ حابارلاسىڭىز.
