ۇسىنىلعان قۇجات ماڭعىستاۋ وڭىرىندە ىسكە اسىرىلاتىن جوبالارعا قاتىستى ماسەلەلەردىڭ كەڭ سپەكترىن قاراستىرادى, ونىڭ ىشىندە:تۇراقتى دامۋ, ەكولوگيا, جاڭعىرتىلاتىن ەنەرگيا كوزدەرىن قۇراستىرۋ, ەنەرگيا تيىمدىلىگى جانە ەنەرگيا ۇنەمدىلىگى, ساندىق جۇيەگە كوشۋ, قالدىقتاردى كادەگە جاراتۋ جانە قايتا وڭدەۋ جوبالارى.
بيىل تامىز ايىندا ماڭعىستاۋ وبلىسىندا حالىقارالىق جاسىل تەحنولوگيالار جانە ينۆەستيتسيالىق جوبالار ورتالىعىنىڭ قولداۋىمەن 42 مۆت قۋاتى جەل ەلەكتر ستانتسياسىنىڭ قۇرىلىسى باستالدى.
كەزدەسۋ بارىسىندا حجتيجو جەتەكشىسى ءراپىل جوشىباەۆ بۇل باعىتتا ماڭعىستاۋ وڭىرىندە بەلسەندى جۇمىس جۇرگىزىلۋدە, سوندىقتان ورتالىق مۇمكىندىكتەرىن ەنەرگيالىق جانە ەكولوگيالىق ماسەلەلەردى شەشۋدىڭ وڭتايلى نۇسقالارىن تابۋعا ارنالعان جان-جاقتى الاڭعا اينالدىرۋ كەرەكتىگىن ايتىپ ءوتتى.
وسى ماقساتتا مەموراندۋمعا قاتىسۋشى تاراپتار اقپارات الماسۋ,وڭىردەگى كەشەندى جوبالاردى ىسكە اسىرۋعا كومەكتەسۋ, ينۆەستيتسيالىق, ەكولوگيالىق, يننوۆاتسيالىق جانە جاسىل ەكونوميكانى دامىتۋعا ارنالعان عىلىمي-ءبىلىم جوبالار بارىسىندا بىرىگىپ جۇمىس اتقارۋعا كەلىستى.
تەحنيكالىق جانە اكىمشىلىك قولداۋ اياسىندا, سونىمەن قاتار جاسىل ينۆەستيتسيالىق جوبالاردى ىسكە اسىرۋ ماقساتىندا حجتيجو ء«بىر تەرەزە» قاعيداسى نەگىزىندە مۇددەلى تاراپتارعا قىزمەت اتقارادى.
«حجتيجو» كوممەرتسيالىق ەمەس اكتسيونەرلىك قوعامى «ەكسپو-2017» كورمەسىنىڭ مۇراسى جانە ينفراقۇرىلىمدىق بازاسى نەگىزىندە ەلباسىنىڭ باستاماسىمەن قۇرىلىپ, بىرىككەن ۇلتتار ۇيىمى جالپى اسسامبلەياسىنىڭ 70 جىلدىق مەرەيتويىندا اتاپ ءوتىلدى.
ورتالىق XI استانالىق ەكونوميكالىق فورۋم – GLOBAL CHALLENGES SUMMIT اياسىندا 2018 جىلى 17 مامىردا تانىستىرىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
