ۇزدىكتەر تىزىمىندە قازاقستان پرەمەر-ليگاسىندا ونەر كورسەتىپ جۇرگەن ءۇش ويىنشى بار. ولار – گەگام ارۋتيۋنيان («شاحتەر» قاراعاندى), كامو وگانەسيان («جەتىسۋ» تالدىقورعان) جانە ماركوس پيززەللي («اقتوبە»). وسى ۇشتىكتىڭ اراسىنان ارمەنيانىڭ ۇزدىگى اتانۋعا سوڭعىسى مۇمكىندىگى مول. 1984 جىلى برازيليادا تۋىپ-وسكەن ماركوس پيززەللي بىرەر ۋاقىت ءوز ەلىنىڭ «سان-كارلۋش» كلۋبىندا وينادى. 2006 جىلى ول ەرەۆاننىڭ «اراراتىنا» اۋىستى. ەكى جىل قاتارىنان ارمەنيانىڭ ەڭ ۇزدىك شابۋىلشىسى اتاندى. ودان كەيىنگى جىلدارى «ارارات» (مۋلينو), «پيۋنيك» (ەرەۆان), «مەتاللۋرگ» (دونەتسك), «كۋبان» (كراسنودار), ء«ال-راەد» پەن ء«ال-شاباب» (ساۋد ارابياسى), ء«ال-فۋدجايرا» ء(باا) جانە «كسانتي» (گرەكيا) كلۋبتارىنىڭ نامىسىن قورعادى. 2014-2015 جىلدارى «اقتوبەدە» ويناعان جارتىلاي قورعاۋشى 2018 جىلى ايتۋلى كومانداعا قايتا ورالدى.
2008 جىلدان بەرى ماركوس پيززەللي ارمەنيا قۇراما كومانداسى ساپىندا ونەر كورسەتۋدە. سول كەزدەن بەرى 65 رەت جاسىل الاڭعا شىعىپ, 11 گولدىڭ اۆتورى اتاندى. بيىلعى ماۋسىمدا «اقتوبە» كلۋبى ساپىندا وتكىزگەن 24 كەزدەسۋدە ول قارسىلاستار قاقپاسىن 18 مارتە ءدال كوزدەپ, قازاقستان چەمپيوناتىنىڭ سۇرمەرگەنى اتاندى.
28 جاستاعى شابۋىلشى گەگام ارۋتيۋنيان قاراعاندىنىڭ «شاحتەر» كلۋبى ساپىندا وتكەن ماۋسىمدا وينادى. ال 26 جاستاعى قورعاۋشى كامو وگانەسيان دا «جەتىسۋدىڭ» قۇرامىنا 2018 جىلى قابىلدانعان بولاتىن.
عالىم سۇلەيمەن,
«ەگەمەن قازاقستان»
