استانادا وتكەن جىل سايىنعى كونگرەسس ەكى كۇنگە سوزىلىپ, جيىننىڭ العاشقى بولىگىندە فەدەراتسيا كوميتەتتەرىنىڭ وتىرىس ءوتتى. باسقوسۋ بارىسىندا ترياتلون فەدەراتسياسىن دامىتۋ جوسپارلارى بەكىتىلىپ, كەلەسى جىلدىڭ باستى سپورتتىق وقيعالارىنا ءمان بەرىلدى.
ال كونگرەستىڭ ەكىنشى كۇنىندە قتف پرەزيدەنتى كارىم ءماسىموۆتىڭ جەتەكشىلىگىمەن, قتف ۆيتسە-پرەزيدەنتتەرى ايدىن راحىمباەۆ پەن عالىمجان ەسەنوۆتىڭ, مادەنيەت جانە سپورت مينيسترلىگى جانە ۇلتتىق وليمپيادالىق كوميتەت وكىلدەرىنىڭ قاتىسۋىمەن سالتاناتتى وتىرىس ءوتتى.
جيىندا قتف باس حاتشىسى ماكسيم كريات بيىلعى جىلدى قورىتىندىلاپ, كەلەسى جىلدىڭ جوسپارلارىن جاريا ەتتى. كونگرەسس سوڭىندا كارىم ءماسىموۆ بيىلعى ماۋسىمدا جاقسى قىرىنان كوزگە تۇسكەن سپورتشىلار مەن باپكەرلەردى ماراپاتتادى.
«جىل جاڭالىعى – ۇزدىك جاس سپورتشى» اتالىمىندا بۋەنوس-ايرەستەگى جاسوسپىرىمدەر وليمپياداسىنىڭ قاتىسۋشىسى دانيل زۋبتسوۆ (شىمكەنت) جەڭىمپاز اتاندى.
«جىل سپورتشىسى» اتاعىن ازيا ويىندارىنىڭ كۇمىس جۇلدەگەرى ايان بەيسەنباەۆ (اقمولا وبلىسى) يەلەندى.
«جىلدىڭ ۇزدىك باپكەرى» اتاعى قتف باس باپكەرى اندرەي گلۋشكوعا بەرىلدى. سونداي-اق, "قارقىندى دامىپ كەلە جاتقان ايماقتىق فەدەراتسيا" اتالىمىندا استانا قالاسىنىڭ, "جىل فەدەراتسياسى" اتالىمىندا الماتى قالاسىنىڭ ترياتلون فەدەراتسياسى جەڭىسكە جەتتى.
