اكتسيا 50 مىڭنان استام ادامدى قامتىپ, 300-گە جۋىق ءىس-شارا وتكىزىلدى. ونىڭ قورىتىندىسى بويىنشا ادال ەڭبەگى جانە مەملەكەتتىك قىزمەتتىڭ تيىمدىلىگىن ارتتىرۋعا قوسقان زور ۇلەسى ءۇشىن سولتۇستىك قازاقستان وبلىسى اكىمىنىڭ العىس حاتتارىمەن تيميريازەۆ اۋدانىنىڭ قۇقىقتىق ماسەلەلەر جونىندەگى قۇرىلىمدىق بولىمشەسىنىڭ باسشىسى بوتاگوز بەكتاسوۆا جانە ەسىل اۋدانىنىڭ ۇيىمداستىرۋ-باقىلاۋ جۇمىسى ءبولىمىنىڭ مەڭگەرۋشىسى ۆاديم كراسنوششەك ماراپاتتالدى.
اققايىڭ, ەسىل, جامبىل اۋداندارى سىبايلاس جەمقورلىققا قارسى ارەكەت ەتۋگە جانە ءوڭىر تۇرعىندارىنىڭ سىبايلاس جەمقورلىققا قارسى مادەنيەتىن قالىپتاستىرۋعا, كەڭ اۋقىمدى اقپاراتتىق-ءتۇسىندىرۋ جانە مادەني-بۇقارالىق ءىس-شارالاردى ۇيىمداستىرۋعا قوسقان ۇلەسى ءۇشىن ۇزدىك دەپ تانىلدى.
«باق-تا ۇزدىك جاريالانعانى ءۇشىن» ديپلومدارىمەن مامليۋت جانە ع. مۇسىرەپوۆ اتىنداعى اۋداندار ماراپاتتالدى. "ۇزدىك اۆتوجارىس ءۇشىن" اتالىمىنا ايىرتاۋ جانە قىزىلجار اۋداندارى يە بولدى. اقجار جانە تايىنشا اۋداندارى "ىسكە شىعارماشىلىق كوزقاراس" ءۇشىن ماراپاتتالدى. ال پەتروپاۆل قالاسى مەن تيميريازەۆ اۋدانى "ۇزدىك ءتۇسىندىرۋ جۇمىسى" اتالىمىن جەڭىپ الدى. "جۇمىستى ۇيىمداستىرۋداعى كرەاتيۆتى ءتاسىل" بويىنشا شال اقىن, ءۋاليحانوۆ جانە م. جۇماباەۆ اتىنداعى اۋداندار ۇزدىك شىقتى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
