بۇل تۋرالى وبلىس اكىمى ارحيمەد مۇحامبەتوۆتىڭ قاتىسۋىمەن وتكەن كەڭەيتىلگەن اپپارات ماجىلىسىندە وبلىستىق جولاۋشىلار ترانسپورتى جانە اۆتوموبيل جولدارى باسقارماسىنىڭ باسشىسى باقىتبەك ەسەنعۇلوۆ ايتتى. جوندەۋ جۇمىستارى وبلىستىق جانە اۋداندىق ماڭىزى بار جولداردىڭ, ەلدى مەكەندەر مەن قالالارداعى كوشەلەردىڭ دە بارلىعىن قامتىدى. وتكەن جىلعا قاراعاندا جولداردىڭ جاقسارعان بولىگى ەكى پروتسەنتكە ارتقان, ءسويتىپ بارلىق جولدىڭ 66 پروتسەنتىن قۇرايدى. كەلەسى جىلى وبلىستىق جانە اۋداندىق ماڭىزى بار جولداردىڭ جوندەۋ جۇمىسىنا 30 ميلليارد تەڭگە قارجى بولىنەدى, ونىڭ سىرتىندا 11 ميلليارد تەڭگە رەسپۋبليكالىق جولداردى جوندەۋگە جۇمسالاتىن بولادى.
ەسەنعۇلوۆتىڭ ايتۋىنشا, جاز ايلارىندا قۇرىلىس ماتەريالدارىنىڭ قىمباتتاۋى جۇمىستىڭ ۋاقىتىلى جۇرۋىنە كەرى اسەر ەتكەن. قيىرشىق تاس, بيتۋم قىمباتتاعان. مىسالى, كوكتەمدە بيتۋمنىڭ تونناسى 90 مىڭ تەڭگە بولسا, جازدا ول 140 مىڭ تەڭگەگە كوتەرىلگەن. باسقارما باسشىسى وبلىس اكىمىنىڭ سۇراعىنا وراي, باعانى ءوندىرىس ورىندارىنىڭ قىمباتتاتىپ وتىرعانىن ءارى ونىڭ نەگىزدى ەكەنىن ايتتى.
«باعانىڭ كوتەرىلۋى جولداردىڭ ساپاسىنا دا كەرى اسەر ەتەدى. قۇرىلىس ماتەريالدارىن ۇنەمدەگەن سوڭ, ونىڭ ناتيجەسى ساپاسىز بولادى. ءبيتۋمدى قازاقستاندا شىمكەنت, اقتاۋ جانە پاۆلودار قالالارىنداعى ءوندىرىس ورىندارى وندىرەدى, ال قيىرشىق تاس سوكولوۆ-سارىباي كەن ءوندىرۋ بىرلەستىگىنەن, «قوستاناي مينەرالدارى» اكتسيونەرلىك قوعامدارى شىعارادى. الداعى ۋاقىتتا جول قۇرىلىسى باستالماي تۇرىپ, ەڭ بولماسا جەرگىلىكتى ءوندىرىس ورىندارىمەن كەلىسىم جۇرگىزۋ كەرەك» دەدى ارحيمەد بەگەجان ۇلى.
ءنازيرا جارىمبەت,
«ەگەمەن قازاقستان»
قوستاناي
