باسقوسۋدا كەيبىر مەكەمە باسشىلارىنىڭ 28-30 مىڭ تەڭگە مولشەرىندە عانا ايلىق تولەيتىنى بەلگىلى بولدى. جاعدايدى تۇزەمەگەن كاسىپكەرلەر الداعى جىلدان باستاپ زاڭ بويىنشا جازالاناتىن بولادى.
ەڭ تومەن جالاقى تولەپ وتىرعان 13,5 مىڭ كاسىپورىننىڭ 11,5 مىڭى تابان اقى, ماڭداي تەردى كوتەرۋگە دايىن ەكەندىگىن ءبىلدىردى. ءسويتىپ 39 مىڭعا جۋىق ادام قامتىلماق.
مەملەكەتتىك ەڭبەك ينسپەكتسياسى باسقارماسىنىڭ جەتەكشىسى قايرات پىشەنباەۆ وبلىس كاسىپورىندارىندا جالاقىنى كوتەرۋ بويىنشا جاسالعان جۇمىس جايىندا ەسەپ بەردى. ونىڭ ايتۋىنشا, از جالاقى الاتىن جۇمىسشىلاردىڭ ايلىعىن 1,4 ەسەگە كوتەرۋ جوسپارلانعان. سوندا 36 847 تەنگەدەن 52 495 تەنگە دەيىن كوبەيەتىن بولادى. بۇگىنگە دەيىن 3227 جۇمىس بەرۋشىمەن مەموراندۋمدارعا قول قويىلدى.
ءار باسقارما جەتەكشىلەرى وسى باعىت بويىنشا ەسەپ بەردى. ەڭ تومەنگى كورسەتكىش كولىك باقىلاۋ, ءبىلىم بەرۋ جانە دەنساۋلىق ساقتاۋ باسقارمالارىندا ورىن العان.
ء«بىلىم بەرۋ سالاسىندا جۇمىس ىستەپ جۇرگەن ورتا بۋىن ماماندارىنىڭ جالاقىسى 30 پايىزعا وسەدى. بۇل شامامەن 20 مىڭ ادامعا جۋىق. 22 جەكەمەنشىك نىساندا 682 ماماننىڭ 585- ءسى جالاقىنى 30 پايىزعا كوبىرەك الاتىن بولدى», دەدى ءبىلىم بەرۋ باسقارماسىنىڭ باسشىسى گۇلميرا كارىموۆا.
دەنساۋلىق ساقتاۋ سالاسىنىڭ جەكەمەنشىك سەكتورىندا تومەن جالاقى الاتىن 300 ماماننىڭ ايلىعى ارتادى.
وبلىس اكىمى قۇمار اقساقالوۆ قىزمەت كورسەتۋ باعاسىن ەمەس, ساپاسىن جاقسارتىپ, تۇتىنۋشىلار سانىن كوبەيتۋ ارقىلى جالاقىنى كوتەرۋ قاجەتتىگىن اتاپ كورسەتتى. وتكەن جىلمەن سالىستىرعاندا وبلىستاعى جالاقى مولشەرى 3,5 پايىزعا وسكەن.
كەلەسى جىلى بۇل تاپسىرمالاردى ورىنداماعان باسشىلار قاتاڭ جاۋاپكەرشىلىككە تارتىلادى.
وبلىستاعى ەڭ تومەنگى ەڭبەكاقى– اۋىلشارۋاشىلىعى سالاسىندا. كەيبىرى نەبارى 28-30 مىڭ تەڭگەنى قاناعات ەتىپ وتىرعان ءتارىزدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
