ەلباسىنىڭ «رۋحاني جاڭعىرۋ» باعدارلاماسى اياسىندا وتكەن اۋقىمدى شارانى قوعامدىق دامۋ مينيسترلىگى حالىقتى, بيزنەس-قۇرىلىم وكىلدەرىن, ۇكىمەتتىك ەمەس ۇيىمداردى, ۆولونتەرلەردى كىشى وتانىن دامىتۋعا ىنتالاندىرۋ جانە مەتسەناتتىق پەن قايىرىلىمدىلىق يدەيالارىن ناسيحاتتاۋ ماقساتىندا ۇيىمداستىردى.
پرەميا 5 نوميناتسيا بويىنشا تابىستالدى. العاشقىسى – «جىل مەتسەناتى» پرەمياسى. ول تۋعان جەرىندە ءىرى الەۋمەتتىك جوبالاردى ىسكە اسىرعانى ءۇشىن, از قامتىلعان, كوپ بالالى جانۇيالارعا, اتا-انانىڭ قاراۋسىز قالعان جەتىم بالالارعا, مۇگەدەكتەرگە, ۇوس ارداگەرلەرىنە, زەينەتكەرلەرگە قايتارىمسىز كومەك كورسەتكەنى ءۇشىن تابىستالدى. ماراپات يەلەرى قاتارىندا ماكسيم ارتەمۋك, ءۋاليحان ءارىپوۆ, جانبولات بەكمۇساەۆ, الەكساندر ۆيلگەلم, جەڭىسباي دوسقايىروۆ, سەرىكجان جەكسەمبيەۆ, اسقاربەك كەرەلباەۆ, گەورگي پروكوپ, ايدىن راقىمباەۆ, التىنبەك ساپاروۆ بار.
بەلسەندى ازاماتتىق ۇستانىمى, ءارتۇرلى باعىتتاعى كەڭ اۋقىمدى قايىرىمدىلىق قىزمەتتى جۇزەگە اسىرعانى ءۇشىن «جىل تۇلعاسى» نوميناتسياسىندا اعايىندى سەراليەۆتەر, سايرامباي دونەنباەۆ, مارات قۇدايقۇلوۆ, راقىمعالي قۇل-مۇحاممەد, ازامات مولداقاسىموۆ, تىلەۋبەك نۇرسەيىتوۆ, بولات وتەمۇراتوۆ, جانات تۇسىپبەكوۆ, ءبىرجان شايمەردەنوۆ, دامەتكەن شاكەنوۆا پرەمياعا يە بولدى.
بۇل جۇلدەدەن الەۋمەتتىك ماڭىزى بار جوبالاردى, قايىرىمدىلىق جوبالاردى, اكتسيالاردى ءتيىمدى جۇزەگە اسىرعانى ءۇشىن, قايىرىمدىلىق كومەك بەرۋدىڭ جاڭا ءتيىمدى تۇرلەرىن ەنگىزگەنى نەمەسە قوعامدىق ماڭىزى بار شارالارعا باس دەمەۋشىلىك جاساعان ۇيىمدار دا كەندە قالمادى. يگى ءىس باستاماشىلارى «ۇزدىك ۇيىم» نوميناتسياسى بويىنشا ماراپاتتالدى.
كەش بارىسىندا ەلىمىزدىڭ ەسترادا جۇلدىزدارى گۇلنۇر ورازىمبەتوۆا, ۇشقىن جامالبەك, قىدىرالى جانە قاراقات وزدەرىنىڭ ءان-شاشۋلارىمەن بارلىق ماراپات يەلەرىن قۇتتىقتاپ, تۋعان جەرگە دەگەن ىستىق ىقىلاستارىن ءبىلدىردى.
اسەم اننەن سوڭ سالتاناتتى ءراسىم جالعاسىپ, ساياباقتاردى, اللەيالاردى, ەسكەرتكىشتەردى, بالالار ويىن الاڭدارىن رەكونسترۋكتسيالاۋعا جانە سالۋعا, دەنساۋلىق ساقتاۋ, مادەنيەت, ءبىلىم بەرۋ جانە سپورت سالالارىنا دەمەۋشىلىك كومەك كورسەتۋگە باعىتتالعان الەۋمەتتىك جوبالاردى ىسكە اسىرعانى ءۇشىن «تۋعان ولكە» نوميناتسياسى بويىنشا باۋىرجان يساباەۆ, ەربولات قاسىموۆ, مۇحيت لەسباەۆ, ايبەك نۇعىماروۆ, الەكساندر پولياكوۆ, تالعات ىسقاقوۆ, كونستانتين پوپ, ەربولات ساۋرىقوۆ, يبراگيم سارسەنباەۆ, نۇرلىبەك حاميتوۆ جۇلدەلى بولدى.
سونىمەن قاتار ۆولونتەرلىك قىزمەتتەرگە بەلسەندى قاتىسىپ, كوزگە تۇسكەن جاندار دا ەلەۋسىز قالمادى. ولارعا «ەرەن ەرىكتىلىك» نوميناتسياسى بويىنشا پرەميا تابىستالدى.
ايتا كەتەيىك, ماراپات يەلەرى ونلاين داۋىس بەرۋ بويىنشا انىقتالدى. بارلىق پرەميا يەلەرىنە ارنايى سەرتيفيكات, گۇل شوقتارى جانە ستاتۋەتكالار بەرىلدى.
قارلىعاش قۇرامىس,
«ەگەمەن قازاقستان»
