وسىلايشا جىلدىڭ باستى شىرشاسى 18 جەلتوقساندا بەيبىتشىلىك كوشەسىندە اشىلعان جاڭا ارباتتا قويىلادى دەپ جوسپارلانۋدا.
ەستەرىڭىزگە سالار بولساق, وسىدان ىلگەرى شىمكەنتتە جاڭا جىلدىق بەزەندىرۋگە بيۋدجەت قارجىسىنان 70 ملن تەڭگە بولىنگەنى تۋرالى ايتىلعان بولاتىن. بۇل تۋرالى جۋىردا ورتالىق كوممۋنيكاتسيالار قىزمەتىندە وتكەن بريفينگتە شىمكەنت قالاسىنىڭ قالا اكىمى عابيدوللا ءابدىراحىموۆ مالىمدەگەن ەدى.
قالا مەرىنىڭ ايتۋىنشا ميلليوندى شاھار ءۇشىن 70 ملن تەڭگە اناۋ ايتقانداي كوپ قارجى ەمەس.
«لوندون مەن ءپاريجدى, ماسكەۋدى قاراڭىز. قازىر ءبارى قالاي جاسالىنىپ جاتىر؟! كەز كەلگەن ادام ءومىردى «ۆاۋ» دەپ سۇرگىسى كەلەدى», دەگەن ەدى ءابدىراحىموۆ بريفينگتە اعىنان جارىلىپ.
ماسەلەن, بىلتىر شىمكەنتتى جاڭا جىلعا وراي ساندەۋ جۇمىستارىنا جەرگىلىكتى قازىنا قارجىسىنان 49 ملن تەڭگە بولىنگەن. ال, قالا كەلبەتىن ارلەۋگە جاۋاپتى سالا ماماندارى بيىلعى قارالعان بيۋدجەتتىڭ كوپتىگىن قالانىڭ رەسپۋبليكالىق ەرەكشە مارتەبە العاندىعىمەن بايلانىستىرادى.
نۇرشات توكەن,
«ەگەمەن قازاقستان»
شىمكەنت
