«انا مەن بالاعا قامقورلىق – قوعامعا قامقورلىق. بۇل ىسكە بارلىعىمىز اتسالىسۋعا ءتيىسپىز. ءبىز مۇمكىندىگىمىزشە وبلىس دارىگەرلەرىنىڭ ەلىمىزدە جانە شەت ەلدە ءبىلىم الۋىنا, ەمحانالاردى جاڭا مەديتسينالىق قۇرالدارمەن جابدىقتاۋعا قارجىلاي قولداۋ كورسەتىپ كەلەمىز. بۇل جولى كومپانيا جاس دارىگەرلەردى قولداۋعا نازار اۋدارىپ وتىر. جاس ماماندار اعا بۋىننان ونەگە الىپ, تاجىريبە جيناقتايدى دەپ سەنەمىز», - دەيدى «قازتسينك» جشس اكىمشىلىك ماسەلەلەر جونىندەگى اتقارۋشى ديرەكتورى اندرەي لازارەۆ.
سالتاناتتى شارادا وبلىستىق دەنساۋلىق ساقتاۋ باسقارماسىنىڭ باسشىسى مارات شورانوۆ ەلباسى نۇرسۇلتان نازارباەۆ دەنساۋلىق سالاسىنا ەرەكشە كوڭىل بولەتىنىن, وڭىرىمىزدە وبلىس اكىمىنىڭ باستاماسىمەن دارىگەرلەر تاپشىلىعى ماسەلەسىن شەشۋگە باسا ءمان بەرىلگەنىن, جاقىن ۋاقىتتا جاس ماماندار قىزمەتتىك پاتەرمەن قامتىلاتىنىن اتاپ ءوتتى. «مەملەكەتتەن بولەك بيزنەس وكىلدەرى, ونىڭ ىشىندە «قازتسينك» كومپانياسى وبلىستىڭ دەنساۋلىق سالاسىنا جاردەمدەسىپ تۇرادى. جۋىقتا كومپانيانىڭ باسقا دا باستامالارىن تالقىلادىق, الداعى ۋاقىتتا ساتىمەن جۇزەگە اسار دەپ ويلايمىز», - دەيدى باسقارما باسشىسى.
رەتى كەلگەندە ايتا كەتەيىك, ءوندىرىس ورنى 21 جىلدان بەرى ايماقتاعى مەديتسينالىق مەكەمەلەرگە قول ۇشىن سوزىپ كەلەدى. بيىل كومپانيا انا مەن بالا ورتالىعىنا نارەستە بويىنداعى اۋرۋ بەلگىلەرىن ەرتە انىقتاۋعا مۇمكىندىك بەرەتىن وفتالمولوگيالىق اپپارات الىپ بەرىپتى. بۇعان دەيىن مۇنداي قۇرىلعى استانا, الماتى جانە شىمكەنت قالالارىندا بولىپتى. سونىمەن قاتار كاسىپورىن كومەگىمەن التاي اۋدانىنداعى اۋداندىق اۋرۋحانانىڭ شاتىرى اۋىستىرىلىپ, ريددەردەگى قالالىق ەمحاناعا جوندەۋ جۇرگىزىلىپتى.
ازامات قاسىم,
«ەگەمەن قازاقستان»
وسكەمەن
