شارانىڭ باستى ماقساتى – رەسپۋبليكاداعى زياتكەرلىك مەكتەپ وقۋشىلارىنىڭ ىنتىماقتاستىعىن ارتتىرىپ, ولاردىڭ ونەرىن كوپشىلىككە دارىپتەۋ, جەرگىلىكتى حالىققا قازاق كۇيلەرىنىڭ كۇمبىرىن ەستىرتۋ. اكتسياعا قاتىسۋشىلار «ەركە سىلقىم», «سارىارقا», «بالبىراۋىن», «اداي» جانە «اتا تولعاۋى» كۇيلەرىن تارتتى. فلەشموبقا بيىل 30-دان اسا دومبىراشى قاتىستى.
-زياتكەرلىك مەكتەپ وقۋشىلارى قر تۇڭعىش پرەزيدەنتى كۇنى قارساڭىندا ۇيىمداستىرىلاتىن اتالعان اكتسياعا جىل سايىن بەلسەندى قاتىسادى. قازاقتىڭ كۇيلەرىن تارتىپ, اندەرىن ايتادى. شاراعا مەكتەبىمىزدىڭ دومبىرا ۇيىرمەسىنىڭ وقۋشىلارى ءوز ونەرلەرىن كورسەتەدى. قازاقتىڭ ۇلتتىق اسپابى دومبىرادا ويناۋشىلاردىڭ قاتارى جىل سايىن ارتىپ كەلەدى. بۇل, ارينە قۋانارلىق جاعداي, دەيدى مەكتەپ ديرەكتورىنىڭ تاربيە ءىسى جونىندەگى ورىنباسارى التىنزەر يحسانوۆا.
بيىلعى فلەشموبتىڭ ەرەكشەلىگى وقۋشىلارمەن قاتار, اتا-انالاردىڭ قاتىسۋىندا. ولار بالالارمەن كۇي تارتىپ, رەسپۋبليكالىق ماسشتابتاعى اكتسياعا ەلەۋلى ۇلەس قوستى.
-بۇگىنگى جاس دومبىراشىلاردىڭ اكتسياسى ۇلتتىق اسپابىمىز دومبىرانىڭ قوڭىر داۋىسىن راحاتتانا تىڭداۋعا مۇمكىندىك بەردى. زياتكەرلىك مەكتەپ وقۋشىلارىنىڭ ونەرى ورگە ءجۇزسىن! بارشا قازاقستاندىقتاردى قر تۇڭعىش پرەزيدەنتى كۇنىمەن قۇتتىقتايمىن!- دەيدى تامارا دۇيسەنوۆا.
ايتا كەتەيىك, «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ اۆتورلىق اكتسياسىنا بيىل 1500-دەن اسا دومبىراشى قاتىستى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
