شاراعا قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى باسشىسىنىڭ ورىنباسارى ەرلەگەن مەڭداليەۆ, تۇپقاراعان اۋدانى اكىمىنىڭ ورىنباسارى ت.التىنعاليەۆ باستاعان بىرقاتار مەملەكەتتىك ورگانداردىڭ, «ازاماتتارعا ارنالعان ۇكىمەت» كەاق مك ماڭعىستاۋ وبلىسى بويىنشا فيليالىنىڭ باسشىلارى قاتىستى.
شارا بارىسىندا اۋدانعا قاراستى بارلىق مەملەكەتتىك ورگاندار مەن ۇيىمداردىڭ وكىلدەرى وزدەرىنىڭ قىزمەت كورسەتۋ تارتىپتەرىن ءتۇسىندىرىپ, قىزمەت الۋشىلاردىڭ سۇراقتارىنا جاۋپا بەردى. مەملەكەتتىك قىزمەت كورسەتۋ فورماتىن ەلەكتروندى تۇرگە كوشىرۋ اياسىندا ازىرلەنگەن پرەزەنتاتسيالار كوپشىلىك نازارىنا ۇسىنىلىپ, ارنايى دايىندالعان جادىنامالار تاراتىلدى. جارمەڭكەگە قاتىسۋشى اۋدان جانە اۋىل تۇرعىندارىنىڭ قاراسى كوپ بولدى. ۇيىمداستىرىلعان سپورتتىق سايىستار, اتاپ ايتقاندا قازاقشا كۇرەس, قوي جانە گىر كوتەرۋ, ارمرەستلينگ سياقتى جارىستار حالىقتىڭ مەيلىنشە كوپ قاتىسۋىنا ءوز سەپتىگىن تيگىزدى.
بۇعان قوسا اۋدان ونەرپازدارىنىڭ مەرەكەلىك كونتسەرتى مەن تاۋشىق اۋىلىنىڭ قول ونەر, جەرگىلىكتى ءونىم شىعارۋشى كاسىپكەرلەردىڭ كورمەسى ودان ءارى ارلەندىرە تۇسىرگەنىن ايتپاي كەتۋگە بولمايدى.
بۇل جارمەڭكەنىڭ ەرەكشەلىگى دە جوق ەمەس, مادەني جانە سپورتتىق شارالاردىڭ بارلىعى ءبىر جەردە, ياعني تاۋشىق اۋىلىندا جاڭادان بوي كوتەرگەن سپورتتىق كەشەن عيماراتىندا وتكىزىلگەن بولاتىن.
جارمەڭكە سوڭىندا اۋىل اقساقالدارى بۇگىنگى شارادان وزدەرىنە قاجەتتى بىرقاتار مالىمەتتەر العاندىعىن, مەملەكەتتىك قىزمەتتەردى ەلەكتروندى الۋعا مۇمكىندىگىنشە ۇلەستەرىن قوساتىندىقتارىن ايتىپ, ۇيىمداستىرۋشىلارعا العىسىن جەتكىزدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
